يا حريم تحملن على عيالكم تراهم امانه دشو سمعو سالفه

كلكم راع وكلكم مسؤول عن رعيته

بخبركم عن سالفه الي شفتها

لمه كنت رايحه روضه (…) في العين في طلعت لعيال ..

شفت دريول يشل بنت وهيه ميته من الصياح ما تريد تروح معاه ..

واستغربت انه الدريول ياي اروحه محد وياه يشل البنت

وما انه قبل هاليوم المدرسة مسويه محاضرة عن هالشي وقالو لا اطرشون عيالكم عن دريوليه اروحهم لان صارت سالفة مع بنت ويه الدريول يتحرش بيها والبنت دوم اتيي تعبانه

المهم نرجع على سالفة البنت ..رحت وخبرت المدرسة عن البنت وانها تصيح قلتلها خبري امها
قالت تعرفين سالفة البنت الي كلمناكم عنها قبل هيه هاي..وكلمنه اهلها اكثر من مرة وعادي عندهم هاي ام جي..حسبي يالله عليها ..والله ناس ما يقدرون قيمة لعيال عندهم

ما اصدق انه في اهل جي …والله البنت غامضتني حرام صغيرونه عمرها 4 سنين تقريبا