هاي سالفتي شو رايكم انتم؟

السلام عليكم ورحمة الله وبركاته

خواتي يمكن معظمكن يعرف اني كنت حامل وربي ماكتبلي الياهل توفى عقب الولاده بساعتين

عندي استتفسار بسيط

انا على الشهر اللي طاف تاريخ 6-1 جان اول يوم للدوره ورحت للتدكتوره وخذت كلوميد وحبوب تثبيت وفولك اسيد وسويت اللي علينا وكنت اتمنى وادعي ربي اني احمل

سبحان الله حسيت بالام الدوره والم بريولي وصدري يعني اعراض حمل وانا احس بنفس هالاعراض في حملي الاول

رحت عقب اسبوعين من الدوره لدكتوره لاني كنت اعاني من اسهال عزكن الله والم في بطني يوم دخلت عالدكتوره خبرتها بالاعراض سالتني اذا حامل لانها اعراض حمل ،،

المهم

رحت لدكتوره ثانيه اسوي اخبار حمل دم ،، سوت سونار جافت تثخن بالرحم وقال احتمال تكوني حامل وسوت التحليل عقب اتصلت فيني قالت فيه نسبه بسيطه مبينه من هرمون الحمل يعني قالت 50% فيه حمل تعالي عقب يومين وبنعيد التحليل عشان ناكد ،،

بس شو صار

وماتوقعته انه نزلت الدوره قبل موعدها بيومين بتاريخ 4-2

يعني ماشيء حمل

الحمدالله طبعا كله بيد ربي

بس سؤالي انا قريت جم موضوع بنات حوامل نزلت عليهم الدوره وجانت الردود يمكن حمل ونزيف وعادي حريم يحملن وتنزل الدوره عندهم

هل ممكن اكون حامل ؟ لاني بصراحه خايفه اروح اسوي تحليل دم مره ثانيه وبنفس الوقت خايفه اكون حامل ويكون هذا نزيف مب دوره ؟

ياريت تفيدوني اللي عندها خبره تخبرني واللي ماعندها تدعيلي

الله يوفج كل وحده ترد عليا ويغفر لها ويخليها لاهلها يااااارب

اختكم

ام ساره