منو فيكم سارت المانيا . ضروري

عني انا اتمنى اسافر المانيا ..

فديتج طرحي الموضوع في نادي السفر والسياحة بالمنتدى وان شاء الله اتحصلين اجوبة ع اسئلتج …

هلا غناتي
ماقلتي وين في المانيا ؟
لو تقصدين ميونخ
انا سرت ميونخ اكثر من مره
ميونخ صغيره بتلاقين اغلب العرب في مناطق معينه
مثل الفنادق والاسواق والمستشفيات
عندهم مراكز حلوه
وأهم سوق اسمه مرين بلاتز
شارع كبير للمشاه
وفيه اغلب المراكز واهمها
كوفهوف Galeria kaufhof
وكرستات Karstadt
واتش اند ام H&M
والسي اند اي C&A وغيرها
وعندهم شارع الماكسميليان وهو شارع مشهور بالماركات الغاليه
يتفرع من شارع المرين بلاتز
وفيه مركز ريم حلو يبعد 20 دقيقه تقريباً عن المدينه
بس مشكلته ما تلاقين تاكسي يعني حاولي ترجعين بالقطار
او اطلبي تاكسي من الشركات
ومركز اولمبيك olympia zentuum
وللاطفال سيري العاب ليجو
والاولمبياد بارك مكان الالعاب مثل ملاهي متنقل
اما لو حبيتي الاكل الحلال من لحم ودجاج وغيره
اسألي عن شارع الاتراك خلف كوفهوف
وهالمكان ارخص من المراكز وعندهم اغلب الاكل العربي
وعندهم مطاعم عربيه من كباب وخبز عربي
وفيه مطاعم عربيه وتركيه وايرانيه موزعه في المنطقه
ولو سألتي الفنادق بيعطونج كتيبات بالعربي عن الاماكن اللي شرحتها
الاسواق والمناطق السياحيه والمطاعم بعناوينهم وارقام تلفوناتهم
وبعضهم يوصل طلبية الاكل للفندق بس تدفعين قيمة التاكسي
انا كنت ساكنه بالهيلتون بارك وعندهم هالكتيب
وفيه شي مهم لو عندج بطاقة واصل دقي هالرقم قبل اتصالج بالامارات
*111*
0097150
كملي رقم الموبايل
وبعدين #
لأن رقم واصل مايفتح من المانيا إلا لو اتصلتي بهذي الطريقه
اما لو كانت بطاقة اتصالات فاتوره اتصلي بطريقه عاديه
0097150
رقم الموبايل في الإمارات
ولو كنتي بتستأجرين شقه خذي معاج حرارات لحفظ الاكل علشان مايبرد
للعيش وغيره لانه ماعندهم ابداً
وبعض الناس يحبون الجدر الكهربائي للعيش في السفر
ومثل ما قالوا البنات المانيا غاليه
وعلى العموم تاكسي المانيا فيه آمان اكثر من لندن وفرنسا
إن شاء الله تستفيدين من الرد
واي استفسار انا تحت امرج
.