بسم الله الرحمن الرحيم
هلا خواتي اليوم حبيت أفتح موضوع للنقاش بعيد شوي عن المواضيع المعتادة اللي نشوفها بشكل يومي تقريبا في هالقسم….
منقهرة وقلت يمكن في أحد مرت بهالموقف مثلي…
بنتي سلمكم الله فالصف الثاني الابتدائي ولظروف خاصه كملت الفصل الدراسي الثاني فمدرسه حكوميه قريبه من بيتنا… المهم البارحه لما سرت أييبها من المدرسه يلست أتريا الجرس يدق وكانت في حرمه بعد بنتها فنفس صف بنتي يالسه تترياها..
عالعموم يلست أسولف وياها عن النظام والمدرسه وجي… الا أتفاجأمنها تقول لي إنها بتطش بنتها يوم الاثنين وعقبها خلاص بتيلسها فالبيت لأن الاثنين آخر يوم لإمتحانات نهاية الفصل… ؟؟؟؟
أنا علامات الاستفهام كلها يت فوق راسي .. تعرفون كيف الوحده لما تنصدم من شيء…
قلتلها كيف آخر يوم ؟؟؟ وامتحانات نهاية العام ؟؟؟؟ وبنتي وبنتها فنفس الصف ؟؟؟؟
قالت أكيد ما تدرين مثلي ؟؟؟
خواتي تخيلوووووووووووا
قبل لا تحكمون علي اني ما اتابع بنتي وكذا……
انا متابعه بنتي والحمدلله كل مرة تيي من المدرسه اشوف واجباتها وشنطتها واذاكر لها….
لكن اذا المدرسه او المعلمه ما خبرتني او عطتني اشعار انه هالفترة فترة امتحانات؟؟؟
بنتي الحمدلله شطارة ما شاء الله عليها والامتحانات اللي فاتت قدمتها ودرجاتها كامله الا امتحان البارحه نقصت درجتين … لكن لو مكانها وحده عقدها وما اهتمت امها فمذاكرتها عدل جان ارسبت …
واجهت المعلمه وسألتها اذا هاي الامتحانات مالت نهاية العام… اتخيلوا شو ردت؟؟؟ قالت لي عيل شو ؟؟؟
انا وايد متغصصه من المدرسه بكبرها كثرت شكاويي عليها وكلامي مع المشرفه لعدة أسباب والنتيجه ان المشرفه قامت تتهرب مني …
تخيلوا معاي هاذي النقاط:
1- ما يكفي انه المقصف فاتح من صباح الله خير الساعه 7 وشيء يبيع للبنات كافي وشيبسات وغازات.. حتى المدرسات قامن يبيعن فحصصهن كوافي وغيره للطالبات ؟؟؟؟ يعني بالذمه معاشاته ما تكفيهن؟؟ خواتي طبعا مب الكل البعض منهن
2- حريم يدشون المدرسه ويبيعون أشياء مخالفه ومضرة بالصحه للطالبات والادارة فخبر خير ؟؟ واذا اشتكينا جذبونااا..
3- حصص الاحتياط الطالبات ايلسونهم فحوش المدرسه عالحصير أعتقد وما شاء الله اللهم لا حسديمكن جو المدرسه غير جو لندني …
4- الجدول يتغير والطالبه تتعاقب اذا ما يابت الكتاب …. انزين عطونا الجدول اليديد الاول..
5- حفلات اتصير بالمدرسه ونص أهالي الطالبات ما عندهم خبر بالموضوع… منو اللي يدفع الثمن طبعا الامهات لأن بنتها لما تيي من المدرسه تمد البوووووووووووووووووز شبرين … اذا بناتكن مثل طبع بنتي …
6- حصص الدمج … يوم انه المعلمه تبي تدمج صفين عسب تشرح مرة وحده انزين رتبولهم المكان بالاول … مو يالله ييب الحصير وافرش ويلسوا ويالله انتبهوا ؟؟؟ من وين بيي التركيز …
7- كيف معلمه اتدرس مادتين ؟؟؟؟؟؟ فهموني اياها؟؟؟ بنات متخرجات ويالسات ايدورن شغل مو محصلات ؟؟؟ والمدرسه فيها معلمات ايدرسن مادتين..
8- يطلعون الطالبات قبل لا ايدق الجرس ومافي مراقبه يطلعن يوقفن عند السيايير والرياييل ؟؟؟ واحنا فعصر ما فيه أمان..
9- طالبات الله يهديهن اييبن موبايلات وايلسن يتصورن والمدرسه خبر خير؟؟؟؟ واذا اشتكينا قالو : كيف لا يمكن ؟؟ انزين ليش ما زخيتيها ويبتيها الادارة يمكن شلته بالغلط من البيت؟؟؟ هاي شغلتي ولا شغلتكم؟؟؟ وبنت فالصف الخامس تييب موبايل بالغلط وتييلس تتصور هي وباقي الطالبات؟؟
10- بنات يتضاربن ويهددن بعض اذا فلانه سوتلج شيء خبريني بييب ربيعاتي وبنضربها… عصابات من الحين؟؟؟
11- بنات فيهم قمل وايلسن يلقطن من شعور بعض ويتحاذفن فيه ؟؟؟؟ اذا الام ما عندها وقت وما اكتشفت هالشيء فبنتها وين صحة المدرسه عسب اتنبه الام؟؟؟
وغيره وااااايد….
اسمحولي طولت الموضوع
الله يستر عبناتنا ويهديهن ويصلح حالهن ان شاء الله
فحفظ الرحمن
هلا خواتي اليوم حبيت أفتح موضوع للنقاش بعيد شوي عن المواضيع المعتادة اللي نشوفها بشكل يومي تقريبا في هالقسم….
منقهرة وقلت يمكن في أحد مرت بهالموقف مثلي…
بنتي سلمكم الله فالصف الثاني الابتدائي ولظروف خاصه كملت الفصل الدراسي الثاني فمدرسه حكوميه قريبه من بيتنا… المهم البارحه لما سرت أييبها من المدرسه يلست أتريا الجرس يدق وكانت في حرمه بعد بنتها فنفس صف بنتي يالسه تترياها..
عالعموم يلست أسولف وياها عن النظام والمدرسه وجي… الا أتفاجأمنها تقول لي إنها بتطش بنتها يوم الاثنين وعقبها خلاص بتيلسها فالبيت لأن الاثنين آخر يوم لإمتحانات نهاية الفصل… ؟؟؟؟
أنا علامات الاستفهام كلها يت فوق راسي .. تعرفون كيف الوحده لما تنصدم من شيء…
قلتلها كيف آخر يوم ؟؟؟ وامتحانات نهاية العام ؟؟؟؟ وبنتي وبنتها فنفس الصف ؟؟؟؟
قالت أكيد ما تدرين مثلي ؟؟؟
خواتي تخيلوووووووووووا
قبل لا تحكمون علي اني ما اتابع بنتي وكذا……
انا متابعه بنتي والحمدلله كل مرة تيي من المدرسه اشوف واجباتها وشنطتها واذاكر لها….
لكن اذا المدرسه او المعلمه ما خبرتني او عطتني اشعار انه هالفترة فترة امتحانات؟؟؟
بنتي الحمدلله شطارة ما شاء الله عليها والامتحانات اللي فاتت قدمتها ودرجاتها كامله الا امتحان البارحه نقصت درجتين … لكن لو مكانها وحده عقدها وما اهتمت امها فمذاكرتها عدل جان ارسبت …
واجهت المعلمه وسألتها اذا هاي الامتحانات مالت نهاية العام… اتخيلوا شو ردت؟؟؟ قالت لي عيل شو ؟؟؟
انا وايد متغصصه من المدرسه بكبرها كثرت شكاويي عليها وكلامي مع المشرفه لعدة أسباب والنتيجه ان المشرفه قامت تتهرب مني …
تخيلوا معاي هاذي النقاط:
1- ما يكفي انه المقصف فاتح من صباح الله خير الساعه 7 وشيء يبيع للبنات كافي وشيبسات وغازات.. حتى المدرسات قامن يبيعن فحصصهن كوافي وغيره للطالبات ؟؟؟؟ يعني بالذمه معاشاته ما تكفيهن؟؟ خواتي طبعا مب الكل البعض منهن
2- حريم يدشون المدرسه ويبيعون أشياء مخالفه ومضرة بالصحه للطالبات والادارة فخبر خير ؟؟ واذا اشتكينا جذبونااا..
3- حصص الاحتياط الطالبات ايلسونهم فحوش المدرسه عالحصير أعتقد وما شاء الله اللهم لا حسديمكن جو المدرسه غير جو لندني …
4- الجدول يتغير والطالبه تتعاقب اذا ما يابت الكتاب …. انزين عطونا الجدول اليديد الاول..
5- حفلات اتصير بالمدرسه ونص أهالي الطالبات ما عندهم خبر بالموضوع… منو اللي يدفع الثمن طبعا الامهات لأن بنتها لما تيي من المدرسه تمد البوووووووووووووووووز شبرين … اذا بناتكن مثل طبع بنتي …
6- حصص الدمج … يوم انه المعلمه تبي تدمج صفين عسب تشرح مرة وحده انزين رتبولهم المكان بالاول … مو يالله ييب الحصير وافرش ويلسوا ويالله انتبهوا ؟؟؟ من وين بيي التركيز …
7- كيف معلمه اتدرس مادتين ؟؟؟؟؟؟ فهموني اياها؟؟؟ بنات متخرجات ويالسات ايدورن شغل مو محصلات ؟؟؟ والمدرسه فيها معلمات ايدرسن مادتين..
8- يطلعون الطالبات قبل لا ايدق الجرس ومافي مراقبه يطلعن يوقفن عند السيايير والرياييل ؟؟؟ واحنا فعصر ما فيه أمان..
9- طالبات الله يهديهن اييبن موبايلات وايلسن يتصورن والمدرسه خبر خير؟؟؟؟ واذا اشتكينا قالو : كيف لا يمكن ؟؟ انزين ليش ما زخيتيها ويبتيها الادارة يمكن شلته بالغلط من البيت؟؟؟ هاي شغلتي ولا شغلتكم؟؟؟ وبنت فالصف الخامس تييب موبايل بالغلط وتييلس تتصور هي وباقي الطالبات؟؟
10- بنات يتضاربن ويهددن بعض اذا فلانه سوتلج شيء خبريني بييب ربيعاتي وبنضربها… عصابات من الحين؟؟؟
11- بنات فيهم قمل وايلسن يلقطن من شعور بعض ويتحاذفن فيه ؟؟؟؟ اذا الام ما عندها وقت وما اكتشفت هالشيء فبنتها وين صحة المدرسه عسب اتنبه الام؟؟؟
وغيره وااااايد….
اسمحولي طولت الموضوع
الله يستر عبناتنا ويهديهن ويصلح حالهن ان شاء الله
فحفظ الرحمن
