ماليزيا شهر 8 كوالالمبور بيبانج سلانجور

السلام عليكم ورحمه الله وبركاته ( انا عشت بماليزيا سنتين ونص)
اختي العزيزه… بخصوص جوا ماليزيا شهر ثمانيه هو نفسه جوها طول السنه.. هاي بلد استوائيه ..يعني جوها معتدل حار شوي (27- 32 درجه).. امطار وجوها يغيم خصوصا عالظهريه او العصر وبننانج مرات الصبح الفجر تنزل فيها امطار لانها جزيره بحريه…
يعني لا تحاتين الشهر اللي بتسافرين فيه ..كلها نفس الطقس طول السنه…

سلانجور هي ولايه جمب كولالمبور العاصمه ومابينهن الا شارع!!!! العالم كله يفكر ان سلنجور منطقه بعيده عن كولالمبور!! ههههههههههههه ..هي نفس لما تكونين بابوظبي العاصمه ,,ومصفح..ويمكن اقرب بعد..
سلانجور فيها اشهر شى فندق الصنواي لاجون وحديقته المائيه والمول حقه..كلهم مرتبطين ببعض..طبعا اذا رحتي ماليزيا اول ما توصلين روحي الصنواي لاجون في سلانجور وسكني بالفندق واليوم الثاني انزلي الحديقه المائيه ولعبوا فيها لين المساء.. وعقب لما تطلعون ( تقفل عالساعه 6 المساء) روحوا المول وتعشوا بمطعم طربوش العربي..اكله نظيف ولا مطاعم الوجبات السريعه.. ثاني يوم انصحج تتحركين الجزر..سافري بالطيران الخاص اير ايشيا على جزيره بننانج وهناك نصيحه لوجه الله قعدي بنفندق هوليدي ان …ليش؟ اولا فندق جدا راقي ونظيف وجديد وموقعه الاستراتيجي على البحر والالعاب البحريه البراشوتات..وبالمساء تنزل مشي مب بتكسي..على السوق الليلي والمطاعم العربيه رصه فيه عالشارع..يعني مابا تتخسرين شى مواصلات ولا شى..حتى مكاتب الجولات السياحيه بتلاقيها قدامج…
ودعواتج لنا يوم تسافرين ..

7 ساعات 😂 يارباه انا ما اتحمل يلسة الطيارة

بالنسبة لتكاليف المعيشة كيف اختي? غاليه ولا? لاني اول مرة بسافر لها..

الله يجزبج الخير صدق ساعدتيني 🌹والله ينولج اللي ببالج

ماليزيا ارخص من الامارات بوايد… المطاعم اسعارها معقوله جدا…خصوصا المطاعم السريعه مثل كنتاكي مكدونالدز وبيتزاهت وووو ارخص بكثير من الامارات ..واغلبها 24 ساعه مفتوحه..خصوصا اللي بالشوارع (مب اللي بالمول)..واكلهم حلال لانها بلد اسلامي.. وتسمعين الاذان فيها بمكبرات المساجد وخطب الجمعه.. حتى المولات فيها مصليات ومساجد .. بخصوص الفنادق هم بعد اسعارها معقوله..بس انتبهي تنخدعين بالمكاتب السياحيه ويغلون عليج؟ ولا تحجزين من مواقع!!! لانهم رح يدفعونج الضريبه والوجبات اول ما توصلين … الافضل تخلصين كل شىء قبل السفر من ضرايب و حجوزات.. الجولات السياحيه بعد يمكن يقصون عليكم سواقين التكاسي؟ يشلون منكم مبالغ وايد… نصيحه لو تبين حد يرتب لج هالامور خلي ريلج ولا اخوج يكلم واحد اعرفه ثقه ومسفرين كل اهلنا عنده بيرتب لج كل شىء من وصول وفنادق وجولات سياحيه وحتى مطاعم..حتى الاماكن وين تروحون بيخبركم..لان الماليزين هناك ما يعرفون شو نحن نحب كعرب..وعنده مكتب بابوظبي وماشاء الله كل اللي سافروا عن طريقه..خلوا ربعهم واصدقائهم يسافرون وياه.. تحياتي لج..