لم يتم الارسال قولولي برد علي ؟؟

مرت سنة !! من يوم افترقنا !!

تتخيل ؟؟؟ سنة!!!

يااالله .. ماتوقعت بنصبر على الفراق !!

قلت بنسى ..
كيف أنسى ؟؟

اشتقت لصوتك حيــــــــل ..
صوتك.. وأنت تغني لي ..

بيدي أمشط لك حبيبي وامسح دموعك بيدياا

الدنيا صارت قاسية يا……
وش اسميك ؟؟ حبيبي ؟؟
إلى الحين أنت حبيبي؟؟ وأنا حبيبتك ؟

ولا .. !!! ماعرف ! مدري وش اسميك !

كيف وش أسميييك ؟؟؟
كنا كل شي لبعض !! كنت حياتي وروحي ودنيتي!

الحين ! مالي الحق حتى أقولك حبيبي ؟؟

تذكر .. يوم كنت تقولي.! أنتي أحلى شي في حياتي ..

حياتي اللي ماكان لها معنى !
أنت في غربة ! وبعيد عن اهلك..

وأنا.! أنا موطنك
وبيتك، أهلك وناسك وربعك…

هههه .. صرت " ست بيت " من ورا هالغربة !

ترتب السفرة .. وتطبخ وتغسل الصحون وتنظف البيت!

تذكر بئر الماي ؟؟ هههههههه كنت كل ما اسمع صوت ضخ ماي .!!
أقولك .. تشرب من البئر ؟

خااااااطري بس .. أتصلك .. أسمع صوتك واسكر الخط !
أتطمن عليك

أقلك أحبك أعشقك ..
لا تتركني يا حبيبي .. أنا أبيك .! ! محتاجة لك ! !

بس ..
يا ترى .. لو اتصلت .!
انت اللي بترد علي ؟؟
أول ما سمعت الخبر .!!
( عظم الله أجرج )

ماصدقت .. أكيد ما يقصدونك !
لا لا .. تشابه أسماء !!
أكيد .. ليه؟ ! بس أنت في هالدنيا بهالإسم ؟

" هههههه يقولون انك خليتني .. ورحت عن الدنيا!! مزح ثقيل صح ؟؟
اتصل لي .. وحشني صوتك "

3 أيام .. وبعدها وصلني الرد …

بس … الرد مو منك !! من اتصالات !!!
لم يتم الإرسال x

اعادة ارسال .. مرة ثانية ! ! بعد سنة .. اكيد الشبكة كانت مشغولة كثير .!!!

ابي أقرب موعد الزواج ..
خلاص ما ابي أكمل دراسة .. أكملها وانا معاك

انا بنتظر .. اكيد بتم الرد ..

صح ؟؟ قولولي .. أكيد ..صح ؟؟؟