كيف نخفي خطوط البطن + افضل رجيم سريع لانقاص الوزنَ ، !

الله يعينَ ، [

السلام عليكم خواتي،،،

اختي خطوط البطن مايخصها من المتن والا من الحمل كله نفس الشي،،
يتمزق الجلد من الداخل فالشرايين اللي تحت الجلد تبين فيبين لون الخطوط أحمر او وردي او على بنفسجي،،
ومع الوقت تتعبا هذي (الأخاديد) الشقوق بالدهن فيسير لونه أبيض،،

أحسن علاج:

من الداخل شرب عصير البرتقال الطازج كاس كبير يومياً بلا انقطاع، وشرب الماء بكثرة

من الخارج دهن المنطقة بزبدة الشيا الطبيعية النقية مرتين يومياً (عن تجربة فادة الخطوط اللي على فخوذي،، كانن رفاع وفي شهرين اختفوا) وبعد يشد الجلد،، (مايصلح للحامل لأنه يشد الجلد وايد وهي مش ناقصة شد،، لازم الحامل تدهن بزيوت تلين الجلد مو تشد)

وتقدرين تسوين خلطة زيوت (زيت الجوجوبا+ زيت بذر العنب+ زيت جنين القمح+ زيت فيتامين E) وتدهنين قبل النوم حتى لو كنت حاطة قبله زبدة الشيا عادي بدون ماتغسلينه تحطين فوقه خلطة الزيوت..

بالنسبة للريجيم
كثري من شرب الماء والمشي السريع (المشي العادي مايفيد،، واذا مشيتي بدون ماتشربين ماي ماتستفيدين عدل،، لأن الماي يساعد على حرق الدهون المتحررة من الجسم بفعل المشي او الرياضة)

قد ماتقدرين ابتعدي عن النشويات بالدرجة الاولى العيش والخبز والمعجنات والكيك والبسكويت والبيتزا والمعكرون،، وقللي من الفواكه حبتين باليوم بس كافي اختاري شيئين بس: (تفاحة/ نص موزة/ نص مانجا متوسطة/ نص موزة متوسطة/ 3 تمرات/ 3 حبات مشمش مجفف/ برتقالة، كمثرى)

ممنوع العصاير تماماً،،، مسموح عصير جريب فروت فقط

وكلي لحوم ودجاج واسماك وخضرة على راحتج،، لكن بين الوجبات لاتاكلين إلا الخيار (يسد الجوع وينظف الجسم عن السموم)

ونتايج هذي الطريقة سريعة عن تجربة