كان يقول ورد يقول ^^ صدق هالرياييل ما ايون إلا

هلآ بنوتات ^^

أكيد تذكرون سالفتي الأولى مع ريلي

http://forum.uaewomen.net/showthread.php?t=888741

والحين شوفــــــــوا اللي صار بعد الجفا اللي حصله مني

بعد ما حطيت لكم الموضوع وشفت بعض الردود

واقتنعت فيهـــــــاآ

قلت خلاص الدور علي أنا الحين ^_^

بقلب شخصيتي لـ شخصيته

و بنشوف منو اللي بينتصر ع الثاني

رغم إني كنت زاخه عمري هالفتره

المهم يا حلوآت

قلت هاليوم ما بتصل فيه

وبشوف شو بيسوي

مرت ساعات النهار

لين ما دشينا الليل

وأنا ع السايلانت لآ مسج ولا غيره

امممممم

والحبيب لا مسج ولآ اتصال

عقب قلت برايه

ما بنزل راسي يعني ما بنزله

و حلفت بأني ما ادق إلا بعد ما يحس هو ويدق

وسرت رقدت

بدون لا أطرش له حتى تصبح على خير اللي تعود يسمعها مني

و اليوم الثاني نفسسس الحآله

لآ حس ولآ خبر

وقلت بعد بكابر وبكآبببر >>> يا ويلي من حالي أنا أول مره جيه أسوي ههههههه

لين أمس بالليل وأنا طـــــآف

رقدت كالعاده

بس الساعه 1 و ربع

رن الفون

أنا تروّعت أقول منوه داق هالحزه

أخاف شي مستوي

وأنقز من ع الكرفايه لين الفون

أشوف بو الشباب يتصل ><

يآ ويل حالي أنـــــــآ

ها شو مخلينه يدق هالحزه

أحيد الحبيب يرقد ع 11 / 12 بالكثير

رديت عليه

قالي ألو

قلت له السلام عليكم

رد حليله السلام

قالي ( فلآنه ) اشحالج ؟ >> شوفوا المكر ما دلعني خخخ

قلت له الحمدلله بخير

قلت له خير داق هالحزه فيك شي

قالي لا بس حبيت أتطمن شكلج راقده

قلت له هي كنت راقده ( وبعض الناس خربوهآ ) >> قلتها في قلبي خخخ

قلت بكووون جافه بكلامي

لآ حبيبي ولا غيره

قالي خلاص برايج كنت أبا أتطمن

قلت له أوكي ( مع السلامه )

وسكرت

ومن بعدها

تميت أضحححك لأنه يوم كان يكلمني حسيته متوتر خخخ

لآ ومنصدم الحلوه ما غازلتني اليوم هههههههه

قلت في خاطري حرام بس يستآآآآآآآهل

وسرت كملت رقادي

اليوم الصبح

أول ما نشيت صليت وجذه

رحت أتريق عند الوالده

ويلست أسولف وياها وجيه

شوي أشوف فوني يرررن

أطالع إلا مره ثانيه بو الشباب دق

وأنا فرحآآآآآآآنه خخخ

أول مره يدق روحه جيه

لآ بعد مره بالليل والثانيه الصبح

أميه تقولي بلاج

أقول لها ماششي بس ها فلان

قالت لي ردي عليه انزين

قلت لها لا بخلص ريوقي

وبروح أسبح

عقببب بدق

أمي بطلت عيونها تقولي ردي يمكن يبيج في شي

قلت لها لا أمايه مالي خلق خخخخ

و رحت عنهآ والحبيب يدق ويدق

عقب سبحت وخلصت

دق مره سادسه

رديت عليه

قلت له هلا

قالي أهلين

قلت له اشحالك ؟

قالي الحمدلله بخير وينج ما تردين

قلت له لا كنت شوي مشغوله ويا الوالده أتريق

عقب رحت أسبح

والحين فضيت

قالي أها

عقب تم ساكت

قلت له (فلان) شفيك

قالي هآه !! >> انصدددم أول مره أناديه باسمه

قالي عيديها

قلت له شو أعيد ؟

قالي ماشي

و رد سكت

عقب قلت له خلاص أنا بسير أدق ع ربيعتي تباني فسالفه

تبى شي ؟

سكت

وأنا فيني ضحكه بس زاخه عمري

قالي ممكن أسألج سؤال

قلت له تفضل

قالي ( أنتي تحبيني ؟ ) >>> شوفوا منو اللي صار يسأل يا نااااس هههههههههههههه

قلت له أنت ريلي عزيز و غالي

قالي انزين قوليلي أحبك

قلت له فلان اشفيك >>> خخخخ ردت لـ فلان هع هع

قالي أنتي ليش جي متغيره

وينج من يومين لا حس ولا خبر

فيج شي

قلت له لا الحمدلله كاني أرمسك ما فيني شي أنت اللي اشفيك

قالي أنا أحبج ومشتاق لج

قلت له منو يحبني

قالي أنا

قلت له أهااا صح نسيت بأنك تحبني >> شوفوا النذاله

قالي والله أنا ما أحبج وبس أنا أعشششق ترابج

هني سكتت وكنت بصيح بس سويت روحي عادي

قالي الله يخليج لا تعيدينها مره ثانيه

كلميني دقي علي

ما تدرين اشقد مشتاق لج

يومين بس كأنهم سنتين ( ) الله يسآمحه كنت بصيح >> قلبي رقيق لـــووول

قلت له وأنا بعد مشتاقه لك بس كلن وله التزاماته

قالي لا أنا أدري بج تبين تجازيني باللي سويته فيج

بس أنا والله أحبببببج وأموت فيج

قلت له أنا بخليك أمي تزقرني سويت روحي مشغوله بس عسب أتهرب

ضغطت ع عمري و الحمدلله

سكرت بسلام

و والله بعد ما سكرت دمعت دمعة فرررررح

كنت فرحآآآآآآآآآآآآنه

وآآآآآآآآآآآآآآآآآآآآآآآآآآآآآآآآآآآآيد

أقول الحمدلله حس فيني

بس بعدني بكابر

إلا وشوي يوصلني مسج هاك الطول والعرض

أول مره يوصلني منه مثل هالكلام

كاتب فيه :

( حبيبتي عمري روحي حياتي دنيتي قلبي عيوني أنا أموووت فيج تدرين شو يعني أموت فيج أعشقج وأعشق ترابج في كل لحظه أشوفج فيها جدامي أتمنى بس لو ( …. ) عيب ما بقول لكم خخخخ المهم …. والله خاطري فيج أباج اليوم قبل باجر ما ظنتي بلاقي حد في الدنيا شبيهج وشرواج والله يا حياتي والله أحبج .. عمرج شفتي واحد بدل القمر بنجوم ! ( يا عيني يا عيني قام يشعر الأخ شفتوا كيف يسوي الجفا والشوق خخخ ) دخيلج أرجوج لا تزعلين مني حياتي شو تصير لو غبتي عني فيها والله بموووت >> لآ حرآم باسم الله عليك .. سامحيني أرجوج )

اممممم

هني أنا بكيت والله

قلت في خاطري لازم تخليني أأدبك عشان تحس

وهذا كل اللي صار والحمدلله كل شوي يطرش لي وأنا أرد عليه ع قد المسج

جديه حدي خخخ و بالقووو يطلع مني كلمه كلمتين حلوات

صدق عيل الرياييل ما ايون إلا بالعين الحمرآ خخخخخ

والله يتمم لي على خير يا رب

أدعوا لي بنوتات الله يكبرني في قلبه ويعظمني فيه

ويستر عيوبي عنه دنيا وآخره يا رب