سحر الماي ورد >>عن تجربه

السلام عليكم ورحمة الله وباركاته شحالكم بنات عساكم بخير ان شاء الله
المهم اليوم انا عندي موضوع وهو تجربة الماي ورد
1- الموضوع متعوب عليه لا طلطشونه الله يخليكم وإذا بطلطشونه حلال عليكم بس كتبو منقول بليز
الماااااي الورد
تجربتي مع الماي ورد انقلها لكم في منتداي العزيز وإلي خواتي الحبوبات إللي اتمنى لهن كل خير أن شااء الله
1- انا حاطه الماي الورد في الحمام عزكم الله عدال المغسله كل يوم عقب ماغسل ويهي يوم اتوضا آخر غسله تكون بالماي الورد>> شو تحسين بانتعاش غير طبيعي وانتو تعرفون منافع الماي ورد
@ يصفي البشره
#يخلي خدودج ورديات >>>مع كثر الاستعمال
$ يخلي ويهج فيه نضاره طبعا مع الاكل المعتدل والصحي
% يكفي يوم تشمين رحيته ينعش حواسج
2- الله يسلمكم يا طويلات العمر عقب مااغسل شعري >>وخلاص احينه بظهر من البانيو
اشطفه بالماي ورد مادري شو السبب الصراحه بس تعود على هذا الشي
3-التجربه الثالثه >>الله يخليلكم غاليكم ومغليكم أقولكم عقب ما اخلص صبوح>>قبل لا احط اللوشن احط شوية ماي ورد على جسمي >>عقب ايلس ادهن بالكريم على فكره هاذي الحركه تثبت اللوشن
حبااااااايبي لا تمرون على الموضوع مرور الكراااااااااام >>حطو مشاركاااتكم بليز بليز بليز
صدقوني تعبت عليه :1 (22): :1 (9): :1 (6):