زميلتي في المكتب تغازل

::

.. الله لا يبلينا ان شاء الله ..
.. عدنا وحدة في المكتب تيلس طول الليل على النت وسوالف الشات ..
.. واليوم الثاني تيلس تسولف في الموبايل ..

.. وكم مرة اسمع صوت ريال وتيلس تسولف معاه على اساس انه بنت ..
.. وسعات تقولي هذا ولد عمتي او ولد عمي وهالقرابات ..

:
:

.. قبل كانت تسمع الرمسة وتاخذ بالنصح والمشورة ..
.. مرة سمعيتها تسولف مع واحد سوري ااو واحد من هالزلمات راعي محل من المحلات ..
.. من نازعيتها ما ادري والله ان ودرته بس هيه ما تمت ترمسه جدامي على الاقل ..

.. هاي حياتها وهيه حرة فيها ..

.. لكن المشكلة انها كل فترة اسمعها تقول انها تشتغل في المكان الفلاني ..
.. وعقب تيلس تزقر اسمي بصوت عالي ..
.. والمشكلة انه انا راعية هالاسم الوحيد اللي في الدوام ؟!؟!؟ ..

:

.. عيزت وانا اييبلها قصص وسوالف عن البنات اللي يسولفون كل يوم مع واحد ..
.. وعيزت المح لها انها جان تبا تسولف تيلس تسولف مع واحد ..
.. عسب افتك من لوعة الجبد على الصبح ..

:

.. انا الحينه هب شرات قبل معاها ..
.. فما اعتقد انها بتتقبل نصيحتي او حتى كلامي ..
.. فما اعرف شو اسوي عسب افتك من هالبلوى ..

:
: