دعواتكم لي في امتحان الايلس

موفقة يا قلبي

بس انسي كل شي يوترج بااجر ولاتيلسين قبل الامتحان مع بنات يوترونج تجنبي لاتخلين تعبج يضيييع

وركزي فالامتحان وحطي ف بالج ان هذا اخر امتحان وبتفتكين طلعي كل طاقتج فيه ترى الامتحان سهل والله

بس غلطة البنات يتوترون ماله داعي ترى سوي اللي عليج واظهري

اهم شي وانتي راده البيت تقولين انا مرتاحة والباقي على الله

بس حطي ف بالج انج بتييبين فل مارك بكل السكشنات ^^

اللسننج سهههههل يعني اكيد بتكون الأجوبة فالتسجيل محد يفوت درجات بيده صح؟

والريدنج ترى اسهل قطعة غالباً تكون اللي ورى يعني الأخيرة خخ

حاولي تمشين بسرعه فالريدنج السؤال اللي ماعرفتيه طوفيه عقب رديله وفي وايد اسئلة مباشرة وفي اللي تعتمد ع الفهم هاي نقطة لاتغفلين عنها بس خليهم للوقت بدل الضايع هههه

يعني عقب ماتكونين ميمعة وايد اجوبة وبنفس الوقت ابا اقولج لاتنقزين كل شوي لقطة يعني تحطين عينج في اربع او خمس مواضيع بوقت واحد ركزي ف كل موضوع لحاله ومثلا تحلين 10 اجوبة صح وسؤالين يبالهم فهم عميييق اجليهم حق عقب ، وسيري للي بعده ونفس الشي وعقب ردي عليهم كوني سريعه وهكذا

واكيد بعض المواضيع بتكون ماره عليج فالحياة مثل التلوث وجي هاي السوالف ترى معروفة اجاباتها بديهية .

وشو بعد ممم رايتنج يركزون واايد ع الكلمات المهمة في الكتابة in contrast، also وهالسوالف تزيد درجات وع حسب الموضوع ورايج المدعوم بالامثلة.

السبيكنج بدعي فيه وماوصيج قردني اللي يمتحنج خخخخ يعني دشي بروح مرحة وجي عسب تاخذين ع الجو

بيسالج عن اسمج قوليه بجملة كاملة ماي نيم از جي جي جي

وعقب شوي شوي بتتدرج الاسئلة وكلها لو رمسنا فيها بالعربي ترى وايد سخيفة بس نحن مكبرين الموضوع خخ

اذا رمسج بموضوع ماعندج عنه خلفية او خبرة قوليله بالانجليزي ماعندي فكرة بس اعتقد .كذا كذا……. ! وليش

"لازم يكون لج راي" قولي رايج مهما كان

هم مب مهتمين بالموضوع او المشكلة اللي تنطرح كثر مايهتمون باللغه عرفتي

والله يوفقج حبيبتي ان شاء الله تيبين الباند المطلوب

مووووووووووفقه
مثل ماقات الاخت خلى عنج البنات اللي يوترنج … الحمد لله أنا من ودرت هذا الطبع توفقت

مشكوراااات فديتكم

والله ارتحت من ردوودكم

^___^

الله يوفقني يااااارب واييب باند 6