حضانة النجوم البريطانية الصغيره بالشارجه شرايكم فيها؟؟

انا ولدي عندهم والحمدلله مستانس وتعلم بعد بس طول لين اندمج
يعني تقريبا تم شهر يصيح يوم اوديه بس احين الحمدلله
وعندهم دوم اكتفيتيس وحفلات ويودونهم رحلات ودوهم مرة الاكواريم اللي ف الخان وودوهم حدايق ..
وفي الصيف عندهم مخيم صيفي ونشاطات حلوة مثل الطبخ والرحلات وغيره ..
ان شاء الله تستانس ..

أنا بنتي كانت عندهم من قبل سنتين بس الحين هي ك ج ٢ … المهم يوم دخلتها في هاداك الوقت كانت حضانة بريطانية عن جد من ناحية مدرساتها كانوا بريطانيات أغلبهم، حتى مساعدة المديرة كانت بريطانية. بس بعدها بسنة، تغيرت الإدارة وصارت مدرساتها عربيات يعني المستوى نزل شوي في الإنجليزي والإهتمام بالطفل من الناحية المعنوية. لما دخلت المرة الأولى تعلمت أشياء كتيرة في شهر واحد، بس مستواها استقر عند مستوى واحد يوم صارت المدرسات عربيات ودايماً نفس الأشياء اللي ياخدوها تتكرر يعني ما في شي كتير جديد من الناحية التعليمية، بس بالنسبة لبنتك يمكن تستفيد إذا أول مرة تدخل حضانة.. على كل حال إنت جربيهم أول قسط، ولو ما عجبتك لا تكملي معاهم…. الله يوفقك انشالله..
*