تعقيب 1 | طلبت الطلاق لكن

خواتي

http://forum.uaewomen.net/showthread…84%D9%83%D9%86

اليوم اتصلت مارد علي
و اخر شي وانا طالعه من الدوام اشوفه واقف عند موتري

من وصلت عنده حتى ماسلم و سالني " ها شو فكرتي ؟!
فرديت عليه

اول شي ناس يسلمون
ثاني شي لاتكرر هالحركة تترياني عند موتري
ثالث شي عندك شي تقدر تمر بيتنا باي وقت وتكلمني او تكلم اهلي

الا اشوفه يرد ع حد وياه ع الخط باي بعدين بكلمكم

قالي تراج مصختيها وايد كلمتيني قبل تبين طلاق
شوفي انا مب ميت عليج وانتي شحقه شايفة عمرج عالفاضي ترا موظفة وعندج فلوس

ردي بيزاتي بطلقج
قلتله ليش تزوجتني عطول رد اهلي اهلي اهلي قالولي خدها وانا كنت مقهور من اللي رفضوني قبل فسويتلج حفلة
و و و الحين محتاج لبيزاتي انتي ماعرف شو مشكلتج ماتفهمين

قلتله اهلك قالو انت مديون ؟!! قال هيه خدت سيارة بالقساط وكنت ميمع بعد شوي عطيت اهلي البيزات عشان يزوجوني هم اكلو بيزاتي وقصو علي وتم يضحك بصوت عالي ويقولي
وخطيبتي بنت عمي فديتها تزوجت واحد ثاني يوم انا محد وبعدها تحبني وتموت فيني وتباني مع انها عرست وعندها بنت

تعرفين شو يعني تباني يعني راضيه اتطلق عشاني انااا
المهم ويوم حبيت اجنبيه ونا برع مسافر مع شباب قلت بتزوجها خبرت اخوي وهو خرب علي خبر الاهل زقروني عسب امي مريضة ويوم يت هني اهلي غصبوني اخدج لانج على قولتهم بنت ناس مثقفة و بنتهم الوحيدة وعندكم خير هاكلام اهلي
صح هالكلام ولا انا غلطان ؟
واهلي سولج كل هذا حفله وفستان صرفو تقريبا 20 الف عليج و انا ماعندي ولافلس فاهمة !!! تسمعيني ؟!
اختنقت صراحة من كلامه بغيت اصفعه واصيح
قلتله ماتخافون ربكم

قالي انتي تداومين مع الشباب واكيد تعرفتي قبل على حد يا في حد معجب فيج صح عشان جي طلبتي الطلاق صح ؟
هني وصلت حدي وقلتله بسك ولاكلمه لاتغلط علي
اذا انا ساكته مب معناته ماعرف ارد عليك بس يصير خير

قالي ليش تصيحين تم يضحك حسيته مينون
قالي سمعت وايد خطبوج قبل ماوافقتي شواللي خلاج توافقين على واحد اسمر
صح ان هو واهله كلهم سمر ونحن عكسهم اهلي وانا ماشفنا لونهم كنا نبي ولد حلال يخاف ربه يصلي 5
يقدر يفتح بيت ويكون اسرة

عمري ماتوقعت اسمع منه هالكلام واشوفه يضحك ويطالعني بنظرة استغفرالله

ماقدرت ارمس ونا اصيح يلست فسيارتي قالي شو رايج تطلعين وياي اليوم قبل لانطلق ماتهنيت فيج وانا ريلج
طلع حقير رر ر ر
بغيت اسبه بس سكتت ماعرف كيف وصلت البيت وانا اصيح فالدرب كلمت امي وهي خبرت اخوي وخالي قالو بنسير بيتهم لكن ابوي منعهم قالهم نحن مافينا انزل مستوانا ونسوي مثلهم

هم اذا عندهم شي بروحهم بيون عندنا او بيتصلون انتوا اصبرو

اهلي قالولي هذا مايستاهلج
حتى لو تحبينه مابنخليج تتزوجينه حتى لو شو ماصار
كيف يتجرا يقولج هالكلام اصلا
قلتلهم بردله كل شي
اهلي قالو مابتردين الا اللي مكتوب فالعقد المهر وبس
نحن ماطلبنا قاعه وحفله وفستان اهله ودوج تاخدين برضاهم هم فمابتردين اللي صرفه عليج وقت الملجة قاعه فستان الاكل مب لكن حقه يطالب اصلا مايستحون هالناس
ومب كيفه مايطلقج ويتشرط بعد

صراحة نفسيتي زفت ماقدر اكلم حد او ارمس حد
خواتي احس كل شي ضاع
ليش جي يصير معاي عمري مااذيت حد ولافكرت
احس بضيق وقلبي عورني اشوف صور الملجة كيف هالانسان اللي حبيته و كنت افكر براحته وافكر كيف اسعده وافكر كيف اسعد اهله وهو اليوم يقولي كلام يعور القلب
اهله اللي حسبتهم اهلي جي يسون فيني

كنت مستانسة عايشه حياتي مرتاحة فبيت اهلي
ليش ليش جي بيسون فيني
مستقبلي ضاع
بتطلق ناس شو بيقولون عني
محد يلوم الريال
الكل بقول بنت طلبت الطلاق اكيد هي مب زينه
كنت مفصلة ثياب وشاريه اغراض شو رح اسوي الحين
مقهووووورة مب عارفة شو اسوي

حسبي الله ونعم الوكيل