بنات خلاص طفع الكيل . عطوني حل دخيلكم

صباح الخير حبايبي

والله انا عندي معاناه .. شو اسوي ماادري

تخيلووا .. جربت كل انواع الاجهزة والحلاوة والواكس عسب اشل شعر ايدي مع انه ما فيني وايد .. بس تدروون بنات ونحب النظافه <<<< لوووول

كل ما جربت شي يظهرلي حبوب من بداية كفي لين كتفي … والمشكله اني بيضه والحبوب تطلع حمره وصغيره فشي اكيد ببين … والله تعبت ما خليت شي ما جربته .. انا اقول شي بنات يطلع في زنودهم بس حبوب من الحلاوة .. وهذا شي عادي .. بس انا ايديني من فوق لين تحت والله تعقدت .. ماخليت ليمون ولا ماي ورد ولا خلطه ما جبرتها بس ماشي فايده .. حتى الموووس جربته ولو تشوفوني اسوي رغوة في ايدي بس عسب ما ياثر ويطلع حبوب ..لكن ماشي فايده …

شو الحل تعبت … والله اكره يديني لما البس في البيت بجامات قصيره .. وحتى ابوي يقولي ليش جي ايدج … والله كرهت البياض لانه يبين كل شي في البنت … بس الحمدلله على كل حاااااااااال

ساااااااااااااااااعدوووووووووووووووووني … واللي عندها حل تكفى تقولي

ربي يوفقكم

( اللهم اجمعني واياه في الدنيا والاخره )