النجدة ساعدوا ابنتي الصغيرة

اذا انتي من بوظبي روحي عند دكتور سامي انا خالاتي وامي كلهم يودون اليهال اهناك

وبس ها الي اقدر افييدج فييه الصراحه لانه ماعندي خبره وبسال امي

عطيها اليانســـــــــــــــــــــــون طبخي ملعقة كبيرة يانسون مع كاس ونص ماي واشوية شكر ملعقة صغيرة او نص ملعقة فقط للتحلية مدة خمس دقايق وهي والخير رباعة ونصيحة حددي لها اوقات الرضاعه كل ثلاث ساعات ترضع واليانسون خليه رضعه بروحة وهي يوعانة عسب تشربه كله حاولي تعطينها الرضعة مالت اليانسون مرتين في اليوم

نسيت اقولج طبعا تكون رضعة اليانسون دافية لاحارة ولا باردة ونفس كمية الحليب اللي هي تشربه (المرضعة الصغيرة) واخر نصيحة ضروري وهم جدن اتطلعين الهوى بعد كل رضعه منها وماتشوف شر باذن الله

انا الصراحه استخدمت حليب نان وايد خفيف وزين مايسوي امساك
بس عطيها اعشاب مطبوخه باستمرار احسن وعلى فكره اذا انتي عندج امساك بنتج على طول يصيبها فعالجي نفسج اول