المدرسة البريطانية ولا النهضة الوطنية

فعلا مدرسة النهضه دراستها ما يمدحونها لان الفصول عندهم تكون مزحومه

شوفي مدرسة الربيع يمكن تحصلين له مكان وتاسيسهم في الربيع وااايد قوي وهاي المدرسه غنيه عن التعريف

وبعدين اختي لا تحكمين على المدرسه من فصول الكي جي لأن في مدارس تعتمد في بدايتها على تحبيب الطالب للمدرسه من خلال اللعب وبعدين يدخلون في الدراسه والجد

تواصلي مع الأمهات اللي في الكريدات وشوفي شو يقولون عن المدرسه واذا طلعت مش اوكيه فالأحسن لج تنقلينه

انا شخصيا كانوا عيالي في الامارات الوطنيه من الكي جي وكنت مرتاحه وتعليمهم ولا احلى بس من انتقلوا الكريد عيالي مستواهم بالنازل مع اني كنت التقي امهات عيالهم في الكريدات وكانوا وااايد يذمون في المدرسه والدراسه وان عيالهم ما تاسسوا صح وانهم راح ينقلون عيالهم في اقرب فرصه بس للأسف ما سمعت كلامهم،، وفعلا من تخرج ولدي من الكريد1 في الامارات الوطنيه مستواه كان نازل مع انه درحاته كلها جيد جدا بس ما كان يعرف لا يقرا ولا يكتب يعني عاطينه درجات عالفاضي

والسنه هذي نقلته من المدرسه التعيسه هذي الى مدرسه ثانيه بعد ما لفيت على مدارس بوظبي وسالت اكثر من حد وحتى لدرجة اني وصلت لمجلس ابوظبي للتعليم وهم عطوني لسته بافضل المدارس في ابوظبي بس عسب ما اطيح في الغلط مره ثانيه

وبالمناسبه في مجلس ابوظبي للتعليم تصنيف المدرسه البريطانيه كان ممتاز وقالو لي دراستهم قويه

فالنهايه يبقون أولياء الأمور في حيرة والمدارس ولا على بالها واهم شي عندهم فلوسهم يستلمونها والطالب هو المبتلي ):

والله يوفقج

المشاركة الأصلية كتبت بواسطة Waed

أختي منبع الالهام مستوى ولدج مفروض مايحكم عالمدرسة بكبرها. الطلبة مستويات دراسية مختلفة منهم الشاطر ومنهم الضعيف وبعد متابعة البيت وايد تلعب دور و الهوم تيشر. المعنى فيه وايد طلبة جريد ون في مدرسة الامارات الوطنية ومستواهم فالقراءة والكتابة وايد عالي وانا سويت مقارنات بين طلبة فمختلف مدارس أبوظبي . في مدرسة الامارات الوطنية يقسمون الكلاس جروبات فالقراءة على حسب مستوى الطالب.

لا حبيبتي اسمحيلي اقولج انتي غلطانه اذا قيمتي الطالب على اساس المحادثه او لمجرد تعلم كلمات انجليزيه،، انا ولدي يتكلم الانجليزي بطريقه جيده وهو كان في الكي جي بس ما كان جيد في القراءه والكتابه وتوقعت انه اذا انتقل من مرحلة الكي جي الى الكريد اكيد مستواه بيرتقي في الكتابه والقراءه في مدرسة الامارات الوطنيه لكن للأسف ما كان في ارتقاء ابدا فالمستوى

انتي احكمي بالعقل في مدرسة تعلم الطالب بدون كتب وتعتمد في دراستها على الوورك شيت او الويب سايت!!؟؟ انا ولدي السنه اللي فاتت في الكريد 1 في مدرسة الإمارات الوطنيه كانوا يعلمونه من خلال اوراق عمل مطبوعه من مواقع تعليميه في النت والله الشاهد على ذلك !!؟؟ واذا انتي دققتي في الأوراق اللي بيبها بتشوفين في اسفل الصفحه عنوان الويب سايت

ومادة العلوم ما كانت عندهم كتب من الأساس والمدرسة بنفسها تاكد ذلك يوم كنت اسالهم عن كتب العلوم،، الكتب الوحيده اللي شفتها عند ولدي كتاب اللغه العربيه وكتاب الدين والتربيه الوطنيه،، يا اختي انا عيالي فيها ثلاث سنوات من فترة الكي جي الين مرحلة الكريد واعرف كل صغيره وكبيره عن هذي المدرسه بالذات لأني كنت باستمرار اتواصل وياهم عسب اعرف مستوى ولدي وعسب جي زادو درجات ولدي يبون يوهموني ان مستوى ولدي ممتاز وفي الحقيقه غير ذلك

وانا ولدي السنه اللي فاتت نجح نسبه 84% بس والله لو تشوفين مستواه تقولين المفروض يكون في 60%

وبعدين انا ما بكثر كلااااام انتي بس روحي مجلس ابوظبي للتعليم،، الدور الرابع (قسم المدارس الخاصه) واسالي عن مدرسة الإمارات الوطنيه وبيخبرونج كل شي عنها وعن الشكاوي الكبيره والشبه شهريه اللي اتيهم

يا اختي انتي خذيها بالمنطق مدرسه مثل الامارات الوطنيه وعلى الرسوم اللي ياخذونها من اولياء الأمور ما عندهم ساحة لعب للأطفال غير الساحه المغلقه اللي جدام الاداره واللي ما فيها العاب غير لعبتين فقط والقهر ان اللعبه ما تصلح الا لطلاب الكي جي لأنهن صغار نفس اللي بيبي شوب خخخخخ،،مع ان هاي السنه غيروا مبنى الكي جي والكريدات الصغار وودوهم الى مدرسة البنات بس اكيد نفس الوضع،، ما في ساحة لعب،، في ذمتج يا اختي هل انتي تحسين ان هالبيئه جيده تعليميا وذهنيا للأطفال،، اذا انتي تحسين هذا الشي عادي فخذي جوله للمدارس في ابوظبي وشوفي ساحات اللعب المفتوحه اللي فيها مع صالات الألعاب وطبعا من غير ملاعب التنس وكرة القدم

واذا بتقولين عن المسبح اللي عندهم ،، ممكن اسالج في ذمتج السنه اللي فاتت كم مره عيالج دربوهم على السباحه ؟؟؟؟؟؟؟؟؟؟؟؟؟؟؟؟ اسمحيلي اقولج ولا مرره مع انهم خذو رسوم السباحه،، ويوم سالتهم تعرفين بشو تحججوا؟؟ اونه انخاف من انتشار انفلونزا الخنازير ههههههههه
تحرمون الطالب من نشاط هو يحبه عسب اونه خوفكم من مرض ممكن ينتشر وهم موجودين في الكلاس

وغير البلاوي والسلوكيات اللي يكتسبها الطالب من دورات المياه،، انا ولدي يوم كان في الكي جي الفلبينيه اللي كانت تدخله الحمام عزكم الله تبوله وهو واقف الين ما تعود الولد ويوم كان يدخل الحمام فالبيت يسوي نفس الشي الين ما سرت عندهم ونزلت عليهم نزله وانا من الأساس مش محتاجه ان حد يدخل مع ولدي الحمام والمفروض انها ما تدخل لأنه الولد كبير ويقدر ينظف عمره

ووالله اني عندي اشياء واايد بس اكتفي باللي عندي والله الشاهد يا اختي كلامي هذا مش للتشهير لكن اريد اوضح الأمور السلبيه لهاي المدرسه ولأني ما اريد حد من الأمهات يطيح بنفس المواقف اللي طحت فيها

وتحياتي

للـــــــــرفع