الكويت يومين

انا سافرت الكويت

مول 360 جي شكله دائري اغلبه ماركات تقريبا
الافينيوز طبعا هذا أكبر مول عندهم
وعندج المارينا مول
وسوق شرق
وسوق السالمية

هذا بالنسبة للمولات

وبالنسبة للمطاعم تغدينا مرة في فريج صويلح فناااان
هو استايله تراثي وجي يعني أكلاتهم بعد ويبيعون حلويات كويتية تقدرين تاخذين جي من هناك حق الأهل أو حقكم يعني

وتغدينا بعد مرة فمطعم ميس الغانم مطعم لبناني حلوو
وعندج شارع المطاعم بالسالميه كله مطاعم ودوم زحمة

وحلو لو تزورين المركز العلمي فيه أكواريوم وايد حلووو

وعندج أبراج الكويت مايحتاي تسيرون لها لانها بتبين وتقدرون تصورونها من بعيد

ووبس جي
Have fun

ولا تنسين سوق المباركية وايد حلو وتراثي

المشاركة الأصلية كتبت بواسطة اجمل احساس22

بناات ان شاء الله رايحة ع الكويت اول يوم بالعيد اعتقد بنوصل ع المغرب وبنقعد لين ثاني يوم وبنرجع بليل..

فشو الاماكن السياحية اللي موجوده عندهم ووين نتعشى ونتمشى شو احلى المولات ..

وانا شفت مدينة ترفيهيه عيبتني بس مادري اروحها والا ما يمديني ..

اتريا الرد…

ياهلا و يا مرحبا فيج بتنورينا

طبعا كل الاماكن اللي قالوهم البنات حلوه و احب ازيدلج عليهم كم مكان تغيير عن المولات المعتادة:

1- بيت العثمان هذا مكان في منطقه حولي بيت قديم مجدد و معروض فيه ملابس و ديكورات مسلسلات و مسرحيات الزمن الجميل…
عجيب عجيب
و طول ما تمشين تسمعين موسيقي و حوارات من هالاعمال اللي ماتنسي

بتشوفين ملابس هدي حسين و سعاد عبدالله و غيرهم وايد
و في جزد متحف كل الاشياد القديمه : سيارات تلفونات الخ
المهم هو يونس و رسوم دخوله دينار للشخص
دخلون شارع العثمان اللي اهو صوب مجمع بلازا والايوب ليما توصلون الطيباوي والاشاره وكملوا سيدا بعد الاشاره تلقون المتحف كبير على ايدكم اليمين وجدامه براااحه مواقف

مكان ثاني ايضا اكو بيت اسمه بيت المرايا صاحبته ليديا القطان و هي و زوجها المرحوم خليفه القطان فنانيين سووا هالبيت كله كله من المرايا و هم ساكنين فيه
اتصور لازم تتصلين قبل 22518522 و قبلها +965 اكيد
كتبي بيت المرايا في قوقل و شوفي صور حتي بيت العثمان اظن بتلاقين بالنت ..
اكو مطاعم و ايد حلوه بس علميني شتفضلين نوع اكل و اساعدج
اكو مطعم اسمه سولو بيزا نابوليتانا اللي يشتغل فيه شاب كويتي درس و تعلم فنون البيتزا بنابولي و فتحله مطعم صغيرووووون بس فظيييييع كانك بنابولي …
و في مطاعم برجر ماشاء الله وايد و الهوم بزنس الشوكلت و الحلو للهدايا …

ممم بعد شنو في محلات عبايات يبيعون عبايات ملونه اذا تحبون و في محلات للدراريع من مختلف المستويات انتي بس امريني و انا بالخدمه