السلام عليكم والرحمه

السلام عليكم والرحمه خواتي

أنا خريجه 2024 .. من المدرسه أقصد ..
وانا فالمدرسه كنت شاطره اييب بكل المواد 100 ..
الا ماده الانكلش كنت ضعيفه فيها .. مش اني غبيه فيها ..
لكن ما احبها جذا .. ونسبتي الحمدالله فالـ90 ..

الموضوع هو يا خواتي اني ادرس بجامعه الامارت ..
والجامعه تبا ايلتس 5 .. والله ما قمت ارقد وانا افكر في الايلتس وانا فالسكن؟
طول الوقت تشوفوني افكر فالايلتس واحاتيه حتى ربيعاتي قمت احس زهقو مني من كثر
ما اكون مكتأبه بالايلتس معني انا هب جي .. هم متعودين علي افرفش واضحك واسولف وكل شي ..
لكن مدري شو الي حاسه فيه .. حاسه باحباط شديد بعد ما امتحنت ايلتس مرتين ويبت 4.5 .. وهم يبون5 .. انا دوم اييب بالاسبيكنق 5.5 عندي الاسبيكنق قوي
يمكن لاني تعودت بالمدرسه الشي الي صعب اتخلص منه بسرعه .. انا الحين في لفل 2 فالانكلش .. وباجيلي لفل 3 وبمتحن ايلتس بالجامعه
لكن بين فتره وفتره انا بنفسي اسجل امتحان برع الجامعه وامتحن ..

خواتي الي ابيه منكن تقولولي رايكم .. وتحفزوني وتشجعوني .. لاني جدا منحبطه