الدهن الخنين

هلا اختي انا بعلمج صدق عن خبرة امي عندها مزرعة بقر وغنم وخرفان

وعلمتني كيف اسوي البن وروب وسمن العربي ما البقر والغنم

والحين زهبي ورقة وقلم وكتبي الطريقة

1 حضري الزبدة اذا عندج زبدة بقر او مال الجمعية عادي تراه زبدة ماتفرق

2 خليها في جدر وخليها على النار ولما بذوب خلي سنوت الي هو الكمون نحن نسميه سنوت بعد ما تحمسيه في
التاوة حتى يحمر الونه وتطحنينه 3 قطع زبدة خلي فيها فنجانين كمون محمص ومطحون
وخليه يغلي شوي وبعدين خلي معلقة صغيرة كركم ومعلقة صغيرة ملح اذا الزبدة من المزرعة خلي فنجان طحين

واذا الزبدة من الدكان لا تخلي ما يحتاي وخليه حتى تشوفي نضى وريحته حلوة مثل السمن العربي طفي النار عنه
وخليه حتى يبرد وصفيه في مصفاة ولا تخلي الماي يلحقه بيخترب ولا بينفعج بشي حتى الوعاء الي بتحفضيه فيه
نشفيه من الماي زين

ون شاء الله تكوني فهمتي علي واي سوال انا حاضرة