الحقوني خلوني مديره على رياييل !!!

السلام عليكم خواتي ربات البيوت والموظفات المتزوجات والآنسات … والله صاكه فيني الدنيا خواتي … انا مديره على موظفين شباب ومب قادره اسيطر عليهم … يتاخرون الصبح واذا شرفوا الدوام شوي والا ظاهرين ( وبدون ما يخبروني ؟؟؟) … عادي بعد يطلعون اجازة وانا خبر خير … اخلي موظف البداله يحرق موبايلاتهم ولا يردون … خصمت عليهم عطيتهم انذارات… ما شي فايده … ولو اشتغلوا بدون تركيز واحنا شغلنا كله ارقام يعني صفر واحد زياده رحنا فيها … تخيلوا ايلس لين العصر يوميا اخلص الشغل وهم شخطوا البطاقه وروحوا … احس حياتي كلها شغل ف شغل … ما عندي وقت لولدي ولا وقت للمناسبات الاجتماعية … حتى ربيعاتي خذني الدوام عنهم … يوم ارد البيت الشغل يكون معاي … وانا اسوق السياره كم مره بغيت اسوي حادث لاني كنت سرحانه ف الشغل … مب قادره ارقد … لانه في مسئول فوقي وهو دايما يحاسبني على الشغل المتاخر … كل حد يقولي استوالج سواد تحت العين … والله تعبانه نفسيا … وايد افكر اغير مكان دوامي … بس المشكله انه مكان حساس وله مستقبل … حاليا افكر اغير الموظفين … بس بعد افكر بضطر اني اعلم الموظفين اليداد من البدايه … ريحوني بحل الله يريحكم … اتريا ردودكم على احر من الجمر