الأمهات اللي عيالهن داخلين على كي جي 1 او اللي لهن تجربة سابقة في هالمجال حياكن احدرن

انا ماجربت لاني بعدني ثنويه عامه بس بنت اخوي بتدخل الروضه هالسنه ان شاء الله

شوفي حبيبتي اول شي فهمييه انه بروح مكان فيه الاصدقاء والالعاب وبيلعبون وبيستانسون + دوري صور حضانات او صفوف الروضه كيف وخليه يطالع قولي له انت بتروح هنا شوف الالعاب وبكون معاك اصدقاء وفي وايد العاب الخ ..هالحركه انا جربتها في بنت اخوي واايد استآنست وقبل ماتبا تروح الحين لاا احسها متحمسه يوم اقولها تعالي برويج الروضه اتي تشوف وتستانس وااايد ..

النقظه الثانيه لما بتشترين له اللوآزم من شنطه وهالسوالف خليه هو يختآر ويكون على ذووقهه ..عشآن يحب الشنطه ويشلها ويستآنس بها ..

بالنسبه لأول يوم طبعا انتي قبل بتكوني مخبرتنه انه بروح الروضه وبشوف اصدقاء والخ ولازم لازم تحمسيه لهذا الشي عشان يتقبل الفكره ويتريا اليوم المحدد وكل يوم ذكريه وقعدي سولفي وياآه ومن هالقبيل ..

وبعد اهم شي الاكل الي يحبه والحلويات لازم توفرينه عنددج بس يعني لو قمت الصبح وماصحت بعطيك حلااوه ..لو سويت هيك بنروح الالعاب والخ >> طريقة التحفيز هذي وااااااااايد حلوه وتنفع جربيها ..

والبآص اذا روضة خاصه اكيد في وحده مشرفه وتكون عنندهم وتراقبهم ..

وأول يوم بعد كل شي بهدوء وبتنحل السالفه صدقوني ايام حلوه .. ولو مثلاا عندج خواتج يدرسون او حميآتج خليه يكون اول الايام وياهم لما يتزهبون ويرتبون اغراضهم حتى اول يوم يتريا البآص وياهم ..

احنا بنت اخوي كانت فالحضانه السنه الي مضت طبعا احنا نقول لها بتروحين الحضانه وهناك الاصدقاء والعاب والحبيبه تقوم من الصبح تلبس وتكشخ وتاخذ شنطتها ..اتي صوبنا نتريق وعقب نطلع انا وياها واختي ناخذ كراسينا ونقعد ومرآت باصنا اي قبلها خخخخخخ ومرات هي تروح قبلنا ..لاحظنا اول يومين ماتركب روحها لازم حد يوصلها ليييييييين باب الباص وعقب عآآدي بروحها تروح وتشوفنا يوم نروح ووآآيد تستآنس عندهم ..

حبيبتي لاتاخذين الامر بصعوبه وخوف لاا عادي ..اما عن سالفة انج تراقبينه وهذا بقولج ..انتي اول مايروح اطلعي وروحي وراقبيه بس عقب من بعيد ..وثاني يوم روحي بس بدون مايحس انج موجوده ورآقبيه من بعيد تقريبا اول اسبوع منها تراقبينه هو وتصرفاته وكيف المعلمات يتصرفون لو صآر شي لاسمح الله ..يعني كل شي من بعييد لبعيد عشان مايتعود انج انتي بتكوني وياه ..

واااايد رمسة وان شاء الله تستفيدين من رمستي :$ ..ولاتاخذين الامر بصعوبه وحآولي تحمسيه لروضه ..وان شاءالله يستآنس ..

( يآآرب يآآرب دهن العود اتييب من اوائل الدوله في الثنويه العامه ))

اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ

لا تحاتين حبيبتي
انا كنت مثلج اعاني وما بقص عليج بعدني اعاني شوي بس اللي مخفف علي ان المدرسة الي فيها ولدي ربيعاتي هناااااااااااك ومن سني واعرف اتعامل معاهم واسال عن ولدي
والثاني ما يباله شي اختي اللي تدرسه فمرتاحة
وانا اتفقت مع المدرسة اودي ولدي واييبه ويوم بولد سويت له سواق ..والاابوه بيكون موجود بها الفترة
بالنسبة للحمام انا انصحج تمي ويا ولدج بالروضة لكم ساعة خليه يتعود وخليه يقول للمعلمة وقت ما يبي يروح الحمام
اول الايام بيقعد يصيح عقب عادي
انا ولدي الكبير مقدور شوي عليه بس الثاني الا كم يوم بيصيح لآنه متعلق فيني واااااااااااااااااايد
وانا مثلج يا اختي حامل والحين ولادتي اللي يسهل علينا يا رب..لا تعصبين على ولدج وخلج ريلاكس..وكل شي بيعدي على خير