افضل مستشفى في العين؟؟

المشاركة الأصلية كتبت بواسطة ام حمدان82

انا بعد بربي في الواحه لثاني مره .. اول مره ربيت بس الخياطه والله انها كانت … فا هالمره بربي في الواحه بس من اطلع سييييييييييده بروح عند دكتوره باتيا الي في مستشفى الامارات تشوفلي الخياطه و بالمره تفحصني …

لنه الي في الواحه الممرضات هن الي يولدنج و يخيطن في نفس الوقت …

اختي شو قصدج؟؟

أنا ربيت بالبدايه عيالي الثنينه في توام وبصراحه تعبت وكرهت حياتي عندهم ماشي اسلوب الصراحه لكن عقب عيالي الباجيين جربت ورحت اربي في الواحه بصراحه غير عن توام بوايد ويساعدونج وقت الولاده يعني اذا كان بعيد الشر عندج سكر في توام يخلونج عادي الين ماييج الطلق وهاي السالفه انا تبهدلت بها لكن في الواحه يتلاحقونج يولدونج لأن الياهل ممكن ينفخه السكر فلازم تولدين اول مادشين التاسع، وهذا رايي وانشالله ربي يسهل عليج الولاده