احنا الثلاثه ونفس السبب

والله يا بنات ان الاستغفار والدعاء بروحهم باب من ابواب الرزق

شوفوا اللي صار

اليوم الصبح دق علي اخوي يبي سلف قلت له من العين بس ماعندي مصفررررررررره

والله ان حتي فلوس البترول تسلفتها من بنوتي الصغيره من عيديتها مسكينه

المهم وصلت الدوام والا مسوين لنا تكريم وحفله مفاجأة وهديه عباره عن مبلغ نقدي

سبحانك يارب والله كنت صج متازمه ومحتاجه المبلغ

وتذكرت انا شو سويت? فتذكرت اني امس بالليل واليوم الفجر كثفت الاستغفار والدعاء:
اللهم اغنني بحلالك عن حرامك وبفضلك عن من سواك

احنا ثلاث موظفات تكرمنا ثلاثتنا وكنا مصفرات عالحديده وقبلها بيوم نشكي الحال لبعض

الثانيه قالت لي اهنا وهي داخله الدوام كانت تستغفر والله ساق لها هالرزق

والاولي ماشالله حصلت اكبر مبلغ فينا وبعد من الاستغفار

سبحان الله اكثر الاستغفار جعل الله له من كل هم فرج ومن كل ضيق مخرج ورزقه من حيث لا يحتسب
اكثروا الاستغفار يابنات عقب كل صلاه وقبل النوم واول الفجر سبحان الله*