أبي أفكاركم الحلوة

وااااااااو عيبتني الفكره

مايستوي ايي العب وياكم لوول

شوفي فديتج … تقدرين تاجرين ( من ماعرف وين بالضبط بس بتحصلين اعلاناتهم فالوسيط) نقازيات حق اليهال …
وغير هالشي … اذا عندكم حوش سوو مسابقات متنوعه مثلا مسابقه الركض واتحددون ان هالمسابقه حق الفئه العمريه كذا (عشان حليلهم اليهالو اللي صغار ما يتعورون) او ممكن اتسوونه على مراحل اول دور حق اليهالو من عمر سنتين لين ثلاث سنوات والمرحله الثانيه من اربع سنوات لين 7 سنوات وهكذا على حسب المراحل العمريه اللي عندكم …

واتسوون مسابقه اكل التفاح … تحيدين قبل يوم كنا انعلق تفاحه وتربط ايادينا من ورا ومنو يقدر ياكل التفاحه لوول وناسه تحمست تراني ….

وسوو مسابقه النط … كل 2 يتشاركون في هالمسابقه تربطين ريل واحد منهم في ريل الشخص الثاني فهمتي؟ يعني ريل الياهل رقم 1 مع ريل الياهل رقم 2 .. ومنو يفوز فالمسابقه لوول وقعدي اضحكي انتي على اشكالهم هذا اير الثاني وهذاك طايح والاول يبا يفوز ويالس يهزبه ولا يمشي ويسحبه وراه ههههههههههههههههههههههههههههههههههه

بعد عندكم مسابقه الدرهم … تيبين طحين واتخشين فيه درهم ولازم الياهل اييب الدرهم بس بدون ما ايده تلمس الصحن يعني يتم يحوس فالطحين بويهه وحلجه لوول .. بس حرام خساير طحين لوول ممكن اتسوونها بالرمل بس مابتكون بالويه لازم يبالج ذيج الساعه سطل بالطول واتخشين فيه الدرهم او مثلا 5 دراهم يكنون خرده دراهم مب ورق … واللي يجمع دراهم اكثر هو الفايز .. وبيتكم بيتخيس كله رمل بس في سبيل الوناسه يهون لوول ….

شو بعد شو شو

طيعا لا تنسين اتسوين وجبات خفيفه لليهال مثل سندويجات مني مكس شي دياي وشي جبن وشي لحم وشي هوت دوق … والشبس اهم شي .. ومشروبات عصاير وماي … لان طول فتره اللعب بيتمون ايوعون فاحسن اتحطين لهم اشياء اتغذينهم بدل الكاكاو والحلويات …

شو بعد ممكن؟

بفكر لج اكثر وان شاء الله بعد البنات اللي بيدشون بعدي بيساعدونج وبيعطونج افكار اكثر

سبحان الله ولا اله الا الله والله أكبر