لكل وحده ما عرست وطافها قطار الزواج!!!

كثرت المواضيع في المنتدى وخصوصا بهالقسم عن البنات الى ما تزوجوا وكل وحده تطلب من بنات المنتدى بانهم يدعو لها وهذا شي جميل ان كل وحده تدعو لاختها بالستر وان الله يرزقها الزوج الصالح
لكن حسيت من بعض البنات انهم يأسو ؟؟كيف تيأسون والله موجود والله الى مقدر لج هالشي انتى ما تعرفين يا اختى يمكن يكون هذا خير لج
اختى مو كل شي العرس صح الزواج ستر للبنت وانا ادعو الله لى ولكم بان الله يرزقنا الازواج الصالحين ويحقق الى في بال كل وحده
لكن لازم بعد نكون متفائلات ان الله معنا وان الله بيستجيب دعائنا الغاليه الى اهم من الدعا هو انج تكونى على ثقه ويقين بان الله استجاب دعائج
ادعي الله وقومي الليل واقراي القران
واستغفري ترى والله لو كل شخص بالدنيا عرف قيمة الاستغفار ما تركه دقيقه
وخلج متفائله بان الله معاج وان الله كتب لج هالشي
شوفي غيرج الى وصل فوق 40 وما عرست وعايشه حياتها بسعاده
وشوفي كم وحده عرست وتطلقت
وشوفي كم وحده تزوجت ومو مرتاحه
اختى الغاليه 3 اشيا ما احد يقدر يتحكم بها الزواج والولاده والموت
لا تقولين مسوين لى عمل او امى ما تدعي لي او ناس يحاولون يفركشون زواجتى لان هذيل هم سبب
كل شي بيد الله
خلج متفائله وقولى الله باذنه بيستجيب دعائي وبيعوض صبري خير

وفي الاخير اتمنى تدعو لى ان الله يحقق الى في بالى ويرزقنى ويرزق بنات المسلمين بالازواج الصالحين