ابغي اعرف وين اقدر افصل هاي العباية . بليز

هالعباة فكل مكان يفصلونها بس بصراحة انا دوم اشوفها فالجامعة عالبنات مال أعراس طريقتها

وايد كلووووووش وملفتة مرة شفتا فالمول على وحدة وكنت اول مرة اشوفها يمكن من 3 شهور

تحريتا لابسة فستان والله يوم دققت انتبهت انها عباة

المهم الغلا هالعباة فكل محلات العبي يفصلونها بس لو ترسمين له روحه بيعرف الموديل

أنا أدورلي عباة للحمال لأن كرشتي تصير عووده !! هههه ..

بسير أطالع في بوهيل ولو حصلت بخبرج

هذي العباه ام الكيرات أنا شفتها في مركز حمر عين في دبي في محل العبايا بس ما أذكر اسمه
بس هو مب المتحجبه ولا اليشمك ولا أحجار في محل أعتقد عد الكوفي شوب اللي فوق ..
انت أول ماتشوفين المحل من برع بتقولين عنقاش بس يوم بتدخلين بتحصلين موديلات حلوه

وبالنسبة لعباة الحامل أنا سويت عبايه في مركز بوهيل عند محل عالم الأناقة في الطابق اللي فوق مب الأرضي ولا الأول يعني بيكون الثالث .. مصختها صح .. أول ما تركبين الدري ع طول سيري على اليسار بيكون ثالث محل والأخير
العباه عبارة عن طبقتين تحت صالونه وفوقها طبقة شيفون واسعه اتغطي الكرشه وأختي بتسويها بعد الحين عشان كرشتها كبرت فشلتنا .. والعباه بــــ 500 وبدون شيله بس هي ناعمه وحلوه وكل اللي شافها عليه يسألني من وين ؟

وبس سلامتكم