شو الاشياء الحلوه الي اقدر ايبها من تايلند

مرحبا الغالية

في محل في تايلند اسمه بووتس Boots لو تعرفينه هذا محل اصله بريطاني بس في منه فرووع في تايلند

واايد حلو في كل شىء من اشياء تخص الجسم والبشرة وعندهم ميك اب وااايد حلو انا مجربتنه لين الحين عندي الوونه تصبغ من الخاطر شرات ماك… انا دووم اخذ من عنده اوكسجين واستعمله حق ويهي اوصدري وااايد رووعة والله انه احسن الاكسجين اللي عدنا..دووم اوصي اي حد بيسير لندن اييب لي اياه..

في محل ثاني اسمه روبنسون هذا شرات باريس غاليري عدنا بس الزياده فيه بعد لبس وشنط ونعووول وايد حلو فيه كل الماركات من ميك اب وغيره .. وعلى فكرة اسعاره ارخص من عدنا عن تجربة..

اتمنى استفدتي واي شي ثاني انا حاضرة….

مثل ما قلتلج الغالية على الخاص عن براتونام فاشن وبعد عندهم الساندي ماركت بس ما اتذكر عدل متى يفتح ويمدحونه بعد فيه كل شي ورخيص وايد وايد

والاكشاك اللي في الشوارع عنهم كل شي تخيلي إني شفت ايشدوا ماك بس ما جازفت وخذت

والميك آب الماركات عنهم أرخص من اللي عندنا

وتقدرين تيبين ثياب الرياضة للشباب

وأنا اشتريت بعد استيكارات تلصق في الحمام اكرمتي بس روووعه وإذا تبين أصورلج اياهم بصورهم وأسعارهم الواحد بــ 25 بس أنا اشتريت اثنين بــ14 كان عليهم عرض

الشنط اللي عنهم في المراكز على الموضه (قبل ما تنزل عندنا تكون عنهم)

أغراض مانغو رخيصه عنهم أكثر من هني

هذا اللي أتذكره وإذا اتذكرت أكثر بكتبلج إن شاء الله

وشوفي هذا الموقع وايد بيفيدج http://www.travel4arab.com/vb/forumdisplay.php?f=83

عنهم = عندهم