اللي عندها خلفية عن الجامعات الالكترونية بليز تدخل

عرفت الجامعة وأنا آخذ عندهم ماستر الحين
يسوون بداية كل سمستر اورينتيشن لمدة كم يوم
فأنا أنصحج تسيرين وتسئلينهم الي تبينه.. لأنه تخصص عن تخصص يفرق
أنا مثلا تخصصي Educational Interactive Technologies
يعني عن ال e-learning
فشهادتي مجروحة خخ يعني أكيد بكون مؤيدة لهالنوع من الدراسة
ومن شخص لشخص تفرق .. يمكن انا أمدحلج واايد طريقة الدراسة
ويمكن انتي تكونين من النوع الي تفضلين الكلاسات الفيزيكال (فالجامعة نفسها) أكثر من الي عن طريق الأبليكيشن

فيه ناس ما يستوعبون وايد عن طريق الكلاس الفيرتجوال (يعني من البيت يدشون الكلاس).. يقولون إنه يتشتت انتباههم وما ينتبهون وايد..

وإذا عن السلبيات لهالنوع من الدراسة بالنسبالي.. هيه انه ما تحسين انه في كنترول عليج من الأساتذة .. يعني عادي يمرون أسبوعين بدون كلاسات نهائيا (يكون بس دراسة ذاتية)، فبهالحالة أنا أتهايز بصراحة.. وأحس جنتي في إجازة،، وتعالي على آخر يوم أو يومين من تسليم برجكت.. بستوعب عقب وبضغط عمري وسهر وحالة عشان تسلمين ع الوقت..

وبالنسبة للداوم والدراسة.. ف والله هذا شي متعب واااايد.. بس اللي يبا الشي لازم يتعب عليه وكل شي بيهون
عسب جيه نصيحتي لج.. لو صدق حابة تخصص معين وخاااطرج فيه وانتي من النوع اللي تحبين الدراسة
فـ توكلي على الله.. ولااااا تخلين حد يحبطج
أنا كنت وايد أتشاور قبل لا أدش.. الوالد هو الوحيد اللي شجعني بصراحة وقالي انتي قدها وقدود.. اما الباقين فقالولي ما بترومين على شغل ودراسة والماستر مب هين.. بس الحمد لله.. عدن سنة ونص وكلها 4 شهور ان شا الله وأتخرج..

عقبااااالج

للرفع

اللهم من اراد بي سوء فاشغلهم في أنفسهم وراحتهم وصحتهم وعافيتهم
ورد كيدهم في نحورهم واجعل تدبيرهم تدميرا لهم يارب
وارزقهم اضعاف مايتمنوه لي
اللهم ارني فيهم عجائب قدرتك
وحسبنا الله وهو نعم الوكيل