نفقة الولد

المشاركة الأصلية كتبت بواسطة زهرة العين

أختي إنتي مثل حالتي بالضبط ،،،،،،،،،،،بس أنا عندي بنت ومطلقة من 4 سنوات والحين بنتي عمرها 5 سنوات ونص بتسير أول ابتدائي ،،ونفقتها من اتطلقت 600درهم فقط لا غير ،،وانا صبرت من ذاك اليوم ما طالبت باكثر ،،قلت الله يسامحه براية بس الحين رفعت علية قضية زيادة نفقة وزادوها 500 درهم يعني صارت النفقة الحين 1100 درهم أقول الحمد الله ،،،،،،،
إختي أنصحج أول شي تروحين المحكمة وتسألين قبل ما تسوين أي شي ،،،لأن الحين الحضانة تغيرت عن قبل ،،،أنا قبل لا أرفع رحت وسألت محاميين حتى القاضي سألته ،،،قالي بالحرف الواحد القانون يقول إذا مطلقة وعندها عيال اتمون العيال عندها ألين ما يوصل الولد 12 سنة والبنت 13 سنة وبدون ما ياخذون راي العيال على طول عند أبوهم ،،وإذا عرست المطلقة على طول تسقط الحضانة بعد لابوهم ،،،شفتي الظلم كيف ؟؟يعني عرستي ولو ما عرستي العيال مصيرهم حق أبوهم في الأخير ،،،وهذا على حسب الطليق إذا يبى عياله أو لا ،،،،،عشان جي أنا أقولج طلبي زيادة من حقج بس إذا تحسين بأن ابوه مش النوع الي يعاند ولا حاسد ويبى مصلحة ولده ويباه يتربى عندج أنا من رايي ما ترفعين عليه لان بعدين عادي يعاندلج ويشل الولد أول ما يكمل 13 سنة ،،،،،،،الله المستعان

أنا عن نفسي رفعت عليه لانه يعاند وما يباني حتى أشوف حياتي قلت ليش عيل أنا ساكته أربع سنين ما قلت شي وآخرتها بياخذ بنتي يوم بتكمل 13 سنة لانه هو قال حقي باخذها ،،،الله كريم ويصبر كل أم يا رب

هو طيب ابو ولدى بس المشكله فى ابوه الشيبه الله يسامحه
وانا علاقتى فيه اوكى وكل ما اطلب منه شى يلبيه
بس هو متزوج وعنده عيال يمكن عشان جذى يتهرب
وانا مابغى منه الا الف بس وطالبته بهالشى وقالى زين بس يتهرب الحين
وانا مابغى محاكم ولا احب اسيرلها بس اهلى يتحرطمون ولدج
وولدج مع ان كل شى انا اييبه لى ولودى من راتبي الشونه
بس ابغى اسكت اهلى وبعد الحين الولد كبير ومدارس ومصاريف
انا برمسه وبستخير ربى لانى متخوفه من سالفة المحكمه ومابغى
ولدى يبعد عنى اصلا انا مابغى شى من هالدنيا الا ولدى والله اموت
لو خذو عنى ابوه ما يسئل عنه ولا يذكره لا فاعياد ولا فى مناسبات
حسبي الله ونعم الوكيل بس خليها على ربج بياخذلنا حقنا

الغاليه انا الي اعرفه النفقة تحسب على حسب معاش الزوج و مقدرته الماليه اذا ماخاب ظني بس بالاخير استشير محامي قبل لا تخطين اي خطوة و تقدرين تتصلين المحكمة و هناك بيسعدونج

الله يكون بعونج و يفتحها عليج دنيا و اخرة و ان شاء الله الامور بتكون طيبة معاكم