فترة النفاس ببيت اهلج

أنا حاطة سرير في بيت أهلي وواحد في بيتي ما أقدر أنقله معاي رايحه راده

وبعدين باستخدمة إنشاء الله لكل عيالي ومافيها خسارة إن شاء الله

الله يتمم علينا بالخير

مرحبا الغالية.. شكلج بجر.. الله يسهل عليج ولادتج يارب..

حبيتبي بخصوص المنز.. خذيلج واااحد يكون سعره مب غالي وااايد.. يعني بتحصلين ب 150 والا ب 200.. وخليه في بيت الوالد.. والثاني.. خذيه عود لان الياهل ماشالله بسرعه يكبر.. وخليه فبيتج.

وعن الاهتمام بنفسج.. لالالالالالالالالالالالالالازم وااااااااااااايد تهتمين بنفسج.. وانا اللحين بستوي مثل عيايز اول الله يخليهم وبخبرج شو تسوين:

اولا: بخصوص الاشيا اللي تشربينها:
لازم كل شي يكون دافي ولا تشربين واايد اشيا بااااردة وآيس كريم.. لان هالاشيا ما تنظف الرحم.. واشربي اشيا مثل الحلبة "عشان ادر حليب" مع انها تسوي ريحة.. وبعد الحبة الحمرا.. وااااااااااااااااااااااااااااااايد زينة.. ومفيدة وتنظف البطن.. عموما اشربي سواااائل وااااايد لانها بتساعدج في تكوين الحليب. مع انه العيايز ما يحبذون موضوع شرب الماي وااااايد.

ثانيا: بخصوص جسمج:
حبيبتي لازم كل يوم تتنظفين بماي فيه ملح "اقل شي مرتين فاليوم".. لانه يبري الجرح "مال الخياطة" واربطي بطنج بالمشد مال الاندونيسيات ولو ما حصلتي غترة ريلج الحمرا "الشماخ" ما تقصر زينة ..
وقبل ما تخلصين من الاربعين بعشر ايام.. خله الوالدة تفور لج قرط "وينباع في العطار" وعقب اتغسلي منه وانتي في الحمام.. لانه يضيج تحت. وانا سمعت بعد عن قشر الرمان انج تخلطينه وياعسل طبيعي وتسوينه شرات الكور الصغار.. وآخر الاربيعين تاخذين 5 كور عالريج لمدة 5 ايام. يعني 25 كرة.. يقولج زينة للكرشة.

ثالثا: اذا رمتي تحصلين حد يمسحج لان جسمج محتاج تدليك ومساج.. وخاصة الظهر والبطن.. وحطي حصا متوسطة بس خليه يحرونها وحطيها بفوطة وعقب خليها شوي على بطنج وشوي على ظهرج.

هذا كل اللي عندي وانشالله معلوماتي البسيطة تفيدج وتفيد كل حبوبة توها داخلة حياة الامومة..

الله يسهل عالجميع يارب.