المشد الخلطات السنفره .بليز افيدووني

المشد يكون طويل وايد

تبدين تلفينه من الحوض وتمين تلفينه لين توصلين تحت صدرج .. بس لفيه قوي .. بس مب من اول يوم .. من تكملين اسبوع

للرفع

حبيبتي لازم تلبسين المشد بعد اسبوع من الولاده ..
و لا تخافين من شكل بطنج بعد الولاه ترى كلنا انصدمنا .. بالنسبه لي ما توقعت ابدا تخوز الكرشه بعد ما شفت بطني يوم ربيت .. ! اصلا من الصدمه تميت اصيح اتحرا بطني بيتم جذيه .. لكن سبحان الله كيف يخف و يختفي بعد الاربعين !
المهم ..
تلبسين المشد .. و تمارسين الرياضه لاززززززم مشد بدون رياضه ما ينفع ابدا !
فيه كتاب اسمه "8 دقائق في الصباح لبطن رشيق " وايد زين .. و فيه تمارين حلوه و سهله و بتنفعج ..
و كل ما سرتي تتسبحين دهني بطنج في كريم خاص لعلامات التمدد او زبدة الكاكاو .. و دهني جسمج بكريمات بالنسبه لي استخدم زيت اللوز ..
وكل ما دخلتي تتسبحين .. استخدمي الليفه المغربيه حتى لو ما استخدمتي الصابون مالها .. المهم تفركين بطنج و المناطق السودا عشان يخف السواد لين تطلعين من الاربعين ان شاءالله ..!

هذا الي عندي .. و اذا ذكرت شي بخبرج