الوحام

السلام عليكم

الله لا يراويكم وحامي صعب حتى الماي ارجعه وكنت كارهه كل انواع الاكل وحطيت موضوع عن هالشي وخواتي يجزاهم الله الف خير ما قصروا قالوا اتلاحقي على عمرج خلا يحطونلج مغذي لو لاهم جان ما سرت المستشفى واتهاونت
ويومين ما كلت شي ويوم الاحد سرت الطوارئ المستشفى الامريكي وقالي الدكتور بنعطيج مغذي عشان ما يستويلج جفاف وسوولي تحليل دم وتكرمون بول وقالوا النتيجه عقب ساعة جان يدخل الدكتور علينا ويقول ما شي ردة بتتنومين يومين لأن عندج جفاف حاد ولازم نتطمن على الجنين ورجدوني واليوم طلعوني والله يومين والمغذي في ايدي وما يأكلوني غير عيش ابيض ريج وتفاحه وموز والله عذاب
نقصت كيلو في يومين
والحين امداومه على حبوب اللوعه
والله يعيني ويعين كل حامل ويثبت حملنا ويرزق كل محرومه يا رب