ابي طريقة لقيمات يكون شرات القطن ، مب مقرمشة

اببببببب

بالتوفيق حبوبة ,, أنا اسويها من طحين اللقيمات وماتطلع مقرمشة ^__^

طريقة لقيمات حلوة ومثل القطن ونسويها على طول
كاس ونص طحين رقم1
كاس ونص طحين رقم 2
4 ملاعق كبيرة حليب نيدو (بودر )
ملعقة طعام خميرة فورية
فنجان سكر
ذرة ملح
هيل وزعفران
ملعقتين طعام زيت
حطي ماء دافئ (مب حار) في طاسة ما ايكون وايد يعني تقريبا كاس وحطي فيه الخميرة وذوبيها وبعدين حطي السكر والملح والحليب النيدو والزيت وحركيه واخيرا حطي الطحين واخلطي العجنة اذا شفتيها ناشفة زيديها ماي لازم اتكون لا انها غليظة ولا رفيعة وخليها تتخمر تقريبا ساعة في مكان دافئ يوم بتقلينها خلي النار وسط وسويهن صغار
هذي طريقتي والكل يمدحها انشاءالله تظبطينها