مدرسة كوين والخليج الوطنيه ؟؟؟؟؟؟؟؟؟؟؟؟

السلام عليكم أمهات ومدرسات وطالبات وموظفات

بغيت أسأل للي عندها خبرة وتجربه أو معرفة عن هاي المدارس

أول شي أبغي أعرف عن

1:- مدرسة كوين إنترناشيونال

لأني حاولت أتصل فيهم لكن محد يرد عليي واللي تعرف عن المدرسة شو مستواها تخبرنا

وشو الرسوم المطلوبه ومتى يكون التسجيل للسنة الدراسيه –

وهل عندهم حصص تحفيظ القرآن وإهتمام بالدين ولا بس متقيدين بمنهج الوزارة للتربيه الإسلاميه ؟؟

والمدرسة الثانيه

2:- مدرسة الإتحاد الوطنيه (فرع الممزر)

طبعا اتصلت لهم وعرفت انه رسومهم 14 ألف تدفع على ثلاث أقساط

والتسجيل أول شهر 5 والتسجيل بـ500 درهم

بس اللي مجربة المدرسة تخبرنا عن مستواهم التعليمي وهل فيها تطوير ملحوظ في التدريس ؟؟

والمدرسة الأخيره

3:- مدرسة الخليج الوطنيه

للأسف ماعرف ولا شي عنها بس اللي عرفته انه مستواها التعليمي ممتاز

بس أبغي أعرف أكثر عنها هل عندهم حصص تحفيظ قرآن وإهتمام بالدين

ومشكورة مقدما للي تعطينا من وقتها وتفيدنا

واللي ترفع الموضوع