"عمتي كانت ما تواطني ف عيشة الله والحين تعزني كثر بناتها",, حدروا يا بنات

مبروووك عليج الشهر إختي ..

اممممم بعدني بنوتة

ان شاء الله المتزوجااات يفيدونج

مشكورة علي هل موضوع الحلو صدقج هاي اكبر مشكلة اتصير حق بعض البنات …
بخبركم بنصيحة اهلي لي :
انتي طالعة من بيت وداخلة بيت ثاني ماتقدرين تجبرين الناس انهم يمشون على هواج ولا يقدرون هم انهم يمشونج على الي هم بيغونه يعني لازم اتسايرون بعض عشان ماتتعبين .
اهم شي ريلج يكون معاج زين ومو مقصر معاج اذا ريلج كان زين عشان خاطره بطوفين كل شي عشانه
لاتخربين تربيت اهلج فيج بسبت كلمه ولا نقزه
لاتاخذين وتودين في كلام خلج في حالج وسمعي من هل اذن وطالعيه من الثانية
ولا تقعدين تقصصين على ريلج يعني امك قالت واختك قالت ومادري شو من هل خرابيط تره الريال مايحب عوار الراس
سايري عمتج سوي لها الاشياء الي هي تحبها قعدي سولفي معاها حتى لو بتقعد اتفر عليج رمسه بس مع الايام بتتحسن
واهم شي انا الي عرفته من حياتي ان ليش العمى تغار ولاتضارب مرة الولد لانج تاخذين الاهتمام كله من ريلج يعني اتروحين تطلعين تاكلين معاه وقبل لا يلخذج كان هل شي معاهم والاحين تغير

الحمد الله الحمدالله علاقتي بعمتي من أحسن ما يمكن ,, لانها جنه ,, الله يخيلها لعيالها و أهلها كلهم ..

انا اقول انه من أهم الأشياء اللي الحرمة ممكن تسويها عشان تدخل قلب عمتها ..

اول شي : ما تنتقد ريلها جدام عمتها و لا تبين لها سيئاته .. و لا تبين حق اي احد انه بينهم خلاف ..

يعني لا تذمه ابدن جدام عمتها لانه الام اكيد ما ترضى على ولدها مهما كان ..

ثاني شي : خلج طبيعية .. يعني ما بقولج اخدميها و سويلها كل شي .. اذا كانت مثلا دله القهوة عدالج و تبين تشربين .. اسالي عمتج بالأول و صبيلها وياج .. ما يحتاي تتصنعين .. متى ما صار عندج فرصة استغليها ..

ثالثا : خلج بعيدة عن حياتهم الخاصه .. لو شفتي اي شي مب عاجبنج لا تعلقين .. تنظيف الشغاله و لا طبخها و لا ترتيبها .. الا اذا كانت شغالتج الخاصه .. بس لو شغالتهم .. لا تتذمرين .. و لو شفتي موقف صار من بين حمياتج او حميانج و ريلج ,, بعد لا تتدخلين

رابعا : يوم بيكون ريلج موجود و عمتج موجوده ,, اخدميه ,, ييبيله ماي .. قطعيله فواكه او اشياء جي يعني .. و لا تتدلعين عليه جدام العمة .. مب وقته .. عيب

اذا قررتي انتي و ريلج تروحون الجمعية و لا السوق .. اسالوها اذا بتسير وياكم و اذا قالت لاء .. قوليلها شو فخاطرج ..

اذا بتسكنين وياهم .. دشي المطبخ من وقت لوقت .. و اذا ما تسكنين وياهم … بين فترة و فترة اطبخي شي و شليه وياج بيتهم ..

باختصار شديد .. لا تكونين ثقيله و متصنعه .. و لا تتكبرين و تتدخلين .. كوني خفيفة و مرحه و الابتسامة على ويهج دوم

و سالي ريلج عن طبايع امه عشان تعرفين تتقربين منها .. و بس