تربية الأبناء

وعليكم السلام ورحمة الله وبركاته …

انا عندي ولدين ربي يحفظهم ويحفظ عيالكم يا رب …
البنوتة عمرها سنتين … دوم احظنها وتيلس بحظني وابوسها .. بس موصوع اللعب معاها مستلمه ريلي …
هو اللي يلاعبها دوووووووووم …
وانا احسها وااايد متعلقة بابوها .. بس طبعا الماما غييييير
والولد عمره سبع شهور وبعده صغير … بس دوم انا العبه وابوسه واحضنه خاصة اني ارضعه طبيعي …
وماعندي اولاد بالمدارس …
ومشكورة على الموضوع

أنا عندي اربعه بنتين وولدين وتعبانه وياهم بنتي الكبيره عمره 13 والولد10 والبنت 5 وعندي نونو شهرين
بالنسبه لبنتي الكبيره اللي تعتبر في سن المراهقه دوم انا وياها حشره تبا تتعدل وتزور صديقاتها وتطالع التلفزون وعلى النت وانا اباها تدرس وتجابل دروسها وهي طاف حقي ويوم اعصب تذاكر شويه يعني رافعه الضغط حقي والولد بعد معذبني في الدراسه ما يحاول يذاكر بروحه يعني لازم انا ايلس وابطل شنطته واذاكر حقه اسأليني اي سؤال لصف سادس تراني جاهزه حافظه المنهج ودوم انا وياه صريخ وحشره بعد احاول اني دايما اقول لهم كلمات ترفع معنوياتهم مثل انت شاطر ذكي ممتاز …. بس مرات وايد اسبه واضايق منه بس اندم عقب .. وقومت الصبح عاد ما يحتاي ما ينفع مره وحده ترمسيهم خاصه الولد وبنتي اللي في الروضه اسحبهم سحب من الفراش .. بس احاول اني يوم ايون من المدرسه استقبلهم بكلام حلو وارحب فيهم .. والنونو عاد حشره خاصه يوم بنذاكر ويوم بنجهزهم للمدارس الصبح بس يوم راقد شو حلاته وطبعا النونو له نصيب الاسد في الدلع بس يوم اتكون اخته الصغيره وياه العب النونو بطريقه امدح بنتي واغنيلها عسب ما تغاروبنفس الوقت العبه … بس احس اني مقصره وياهم باللعب معهم وحضن الكبار منهم .. والله يعينا ويهدينا لاحسن الاعمال والافعال والاقوال *لا يهدي لاحسنها الا هو ويصرف عنا شر الاعمال والافعال والاقوال لا يصرف عنا سبئها الا هو سبحانه..

السلام عليكم
أخواتي الحبيبات أخواتي الطيبات أفيدونا أفادكم الله