كحة الأطفال الرضع

بنتي بعد كان فيها الكحة …على طول وديتها العياده وعطوها دواء مشروب والحمدالله وااايد خفت

عطيها عصير برتقال

أختى خذيها عند الدكتور ..
بس انا اقولج بنتج بعدها وايد صغيرة ..
وعموما الدكتور ما راحج يعطيج دواء ..
لان انا ولدي وهو فالعمر كان يسعل وما خليت به دكتور في دبي
وحتى المستشفى الامريكي وديته .. بس كل الدكاتره قالوا نفس الشي ..
(ما راح يعطونه دواء لانه وايد صغير ) والحل الوحيد هو .. كالتالي

1- ابعاد الطفل عن الدخون والعطور .. والروائح المركزة .
2- عمل حمام بخار في الحمام (عزكم الله) يوميا 3 او 4 مرات .. لمدة 10 او 15 دقيقه
(يعنى شغلي الماء الحار في الحمام .. وشيلي الطفله وادخليا الحمام وسكري الباب عليكم)
علشان تستنشق بخار الماء .. (بس تستنشق بخار الماء مش للإستحمام )
وراح يساعدها بخار الماء على توسع الشعب الهوائية في الرئة
ويخفف عليها الكحه ويخرج البلغم ان وجد .. بإذن الله تعالى
3- فرك صدر الطفله بزيت حبة البركه او زيت الزيتون ,, يكون دافى .
ولا تتوقعين ان الكحه راح تروح في يومين او 3 .. لا أختى ممكن تستمر حتى تكمل الطفله 3 أشهر .. لان جهاز المناعه عندها بعده ضعيف .. بس موضوع حمام البخار راح يساعدها شوى
ويريح الها صدرها .. واذا فيه بلغم راح يطلع بهالطريقة ..

وربي يشافيلج بنك يالغلا
بإذن الله تعالى