ّّّّّصالونة باذنجان مب روعه قمة الروعه ّّّّّّ

ّّالمقادير ّّّ
باذنجان مقطع بالطول وعريض ومقلي
بطاط مقطع بالطول الحبة أربع انصاف بطاط الصغير ومقلي
اربع طماط وحبتين فلفل اخضر في خلاط العصير مع اربع أكواب ماي
دياي مقطع صغار ومبهر ببزار أختي بنت الطموح ومقلي عدل
بصل مفروم مقدار كوب
وطماط مقطع صغار مقدار كوب
ماجي حبتين
علبة صلصة طماط معجون
خمس فصوص ثوم مدقوق
ملح + كركم + فلفل أسود مطحون مجروش مب مطحون وايد وإلي ماعندها عادي مطحون
ّّالطريقة ّّّ
يقلى البصل في الزيت حتى يحمر ونضع الثوم عليه
بعدين نحط الماجي والطماط الحب
ونخليه شوي يقلون عدل بعدين نحط خلطة الطماط ونبهرة بكركم والملح ونكثر فلفل اسود بس.
يعني صالونه من دون بهارات فهمتوا بس كركم وفلفل اسود وبعدين معجون الطماط .
ونخلي الصالونه شوي تغلظ مب وايد وعقب نحط علي الدياي المقلي والبطاط والباذنجان .
ونحوثة شوي شوي حتى مايخترب شكل الباذنجان ويكون صحيح ونخليه شوي يتسبك .
يارب تعيبكم مثل ماعيبت العيال وبوالعيال …..

ّّّّّّّّالعيش بالعدسّّّّّّّّّّ

عيش على حسب المقدار إلي تبون كوب عدس ينغسل عدل معا العيش
نفور الماي في الجدر ونحط الملح والزيت وبعض من حبات المسمار
وعقب نحط العيش مع العدس ونسويه شرات مانسوي العيش العادي
لما نشوفة استوى نشخلة ونرده الجدر ونحط عليه شوية سمن خنين
وسلامتكم……….
.

اموت في الباذنجان مش روعة مليون روعة تسلم أيدج

يمي يمي يمي
يسلمووووووووووووووو

تسلم ايدج يا غاية الدلوعة، شكلها وااااايد حلو روعه
بس ما كتبتي طريقة العيش بالعدس ،
نبا الطريقة الله يخليج ، وإن شاء الله بنجربها