يوميات مركز الريم للرشاقة

السلام عليكم والرحمة

بنوتات .. دبدوبات .. رشيقات …

كلكم .. يا حيكم ..

أنـا قليلة المشـاركة وياكم في المنتدى .. بس أمر على كل المواضيع تقريباً..

ولأني ضيفة عزيزة على هالقسم بالذات .. وعلى كثر ما جربت ريجيمات شي نفع وشي ما نفع .. بالكثير أنزل 2 – 4 كيلو .. وأثبت ..

قلت ما لي غير أجرب أروح عند اخصائي تغذية ..

أول شي بحث عن الخيارات .. سألت مني منـاك ..

بالأخير حصلت خيارين ..

مركز د. نيوترشن ..
مركز الريم للرشاقة ..

كلى الخيارين .. مجربين .. في نتايج مبهرة ..

بس أنـا ..

خذت الخيار الثاني ..

توكلت على الله .. وعزمت .. وخذيت موعد مع مركز الريم ..

وكـان المراجعة الأولى يوم الجمعة ..

زيارة سريعة .. سويت قياس طول ووزن .. وطبعاً كتلة الجسم ..

تناقشت مع الأخصائي بخصوص الريجيم .. طبعا يعطيج نظام غذائي حلو وبسيط .. و3 خيارات لكل وجبة ..

طبعاً عطاني نصايح بشكـل عـام .. وصحح لي بعض المفاهيم المغلوطة ..

فقلت أفتح لي موضوع هني افيدكم فيه .. وبنفس الوقت ألزم عمري باتباع الريجيم بحذافيره من غير غش ..

وأكمل المشوار لين أنزل 20 كيلو ..

دعواتكم بنات