ياالأمهات ساعدوني .أول مره أم و ضايعه

هلا اختي.. بالنسبة للغازات كل الاطفال عندهم هالمشكلة خصوصا" حديثي الولادة.. انا ولدي عمرة شهرين ونص ولحد الحين يعاني من الغازات والامساك.. بالنسبة لي احاول اعطيه ينسون بصورة مستمرة ويوم اشوفه زايد عليه ويتعصر اعطية دواء انفاكول وايد زين يريحة شوي.. وانتي حاولي اتحاسبين على اكلج شوي وابتعدي عن الاكل الي يسبب الغازات.. اما بالنسبة لنوم الطفل اتوقع بيبدأ يتعدل تدريجيا" من بعد الاربعين.. انا ولدي الحمدلله بدأ يرقد فترات طوياه اذا كان شبعان طبعا" من 3 ساعات الى 5 ساعات.والله يعين كل ام ان شاءالله.. المسأله يبالها صبر شوي وان شاءالله خير

ابتعدي عن الاكل اللي يسبب غازات البقول بانواعها مثلا والبرغل والباميه

وبعد مايكمل شهرين ينتظم نومه، يعني انت احسبي اذا ترضعيه طبيعي كل ساعتين بيصحى جوعان واذا صناعي كل اونص ounce ساعة يعني لو تعطيه اونصين ينام ساعتين وهكذا..

وبالنسبة للغازات اعطيه مغلي يانسون مع بابونج يهديه ويخليه ينام مرتاح

مشكورين أكيد بآخذ بنصايحكم

و أحاول اني اشربه الأشياء اللي خبرتوني عنها