و اللـه حرآم

السلام عليكم ورحمة الله وبركاته

صبحكن ربي بالخير خواتي

فخاطريه افضفض واخبركن عن سالفه شاغله بالي و مضيجتبي من الخآطر

/

السالفة تخص ولد خالتي

الله يسلمكن ولد خالتي انسان طيب و حنون بكل ما تحمله الكلمات من معنى
والله انسان محترم هادي عمره ما أذى أحد !

كبر الولد وللحين أهله ما خطبوله ،
اهله ناس ما يخآفون ربهم يمثلون الالتزام و التدين
لكن قلوبهم حاقده و غيورهـ ، يغارون لاشافو غيرهم في نعمه
يخربون بين الأهل ، ما خلو حد ما ذمووه ، !
منافقيين لأبعد الحدود
يدخلون عمرهم في أمور الناس ،
و الكثير من العيوب و الله
محد يحبببببببهم ابد ابد

المشكله الولد يبي يتزوج و قادر
و أهله مب مسويله سالفه !!!
يوم يقولهم ابا اتزوج يقولوله من زينك منو بترضى فيك !!
يعني اذا خسف ما بيكون خسف الا طالع عليهم

و بعدين الجمال جمال الروح و الاخلاق
و الريال مب ابجماله الخارجي

و الله الولد غامضني
اقول حرااام هذا ولدهم و الله حراام

في خآطريه اساعدهـ و الله ودي
بس كيف !
دوم ادعيله و الله انه يستآهل كل خير
هالانساان حساس و صاين نفسه من سنين وده يتزوج
بس ما عصى ربه ما سوى علاقات شرات وايد من الشباب
صابر بس لين متى !

بنات ادعولهـ

و انا دايم ادعي ان أهله يشوفون اللي سووهـ فيه و فـ وآيد ناااس

في أمان الله