ولدي عمره سنتين وابا اعلمه قبل مايدخل المدرسة

حبيبتي بحضانه ولا من غير حضانه ضروري تيبين الكتب المصوره اللي على قد سن ولدج وتقعدين تعلمينه شوي شوي عشان يستوعب واوقات اقعدي معاه يوم يشوف كرتون وقوليله مثلا هذا فيل وهذه قطه
ولا تستعيلين على سنتين ونص دخليه الحضانه كابدايه للمدرسه
والله يباركلج فيه

السلام عليكم
يبي له العاب تعليميه مثل الكتب الناطقه بتلقين وايد منهم في تويز ار اس
وممكن دي في دي بارني المواضيع اللي تتكلم عن الاشكال والارقام والحروف والحيوانات اليهال وايد يستانسوا عليه ويستفيدو منه
ومهم بع تيبي له العاب التركيب (البزل) لانها تنمي القدرات الذهنيه
ولا تستعيلي عليه لانه بالبدايه بتحسي استجابته بطيئه او مافي استجايه للعبه بس بعدين ان شاء الله بيبدأ يظهر اللي تعلمه
وفي بعد فروق فرديه بين اليهال بعظهم ماشالله يتعلم بسرعه ويسبق عمرة وبعظهم يبالهم تاتا تاتا حصلت في عيالي النوعين بس اهم شي ما تضغطين عليه وايد والله يباركلج فيه وتفرحين به ان شاءالله