تخطى إلى المحتوى
الرئيسية » ولدي خلص الخمس شهور وبس يشرب حليب بليز انصحوني

ولدي خلص الخمس شهور وبس يشرب حليب بليز انصحوني

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

هلا خواتي

مثل ما ذكرت لكم في العنوان

ولدي خلص 5 شهور يعني الحين يمشي في بداية 6

ولحد الحين ما عطيته ياكل .. بتقولون اكيد بجر

للاسف لا بس بنتي عمرها 5 سنوات وانا ناسية الصراحة

وبعدين احس به صغير اخافه يغص والا شي انا من النوع اللي وايد اخاف

انزين الحين كل حد يقولي حرام واكليه والا بعيدين ما بيتقبل الاكل

كيف ابدا وياه عطيته مره بس عصير برتقال مخفف والحين مب عارفة

بشو ابدا وياه .. بالروب او الشوربة او السيريلاك او الفواكه

وكيف اوزع له الوجبات وكم وجبة في اليوم ؟ مع كم رضعة ؟

ياريت اللي عندها طفل في سنه تفيدني وبكون لها شاكرة

بليز لا اطنشون الموضوع .. في انتظار ردودكم

الوسوم:

6 أفكار بشأن “ولدي خلص الخمس شهور وبس يشرب حليب بليز انصحوني”

  2. hamida
    الرد

    لا تعطينه عصير برتغال حتى لو مخفف الا بعد8شهور

    بدي عطيه ارز ميلويا مال5 شهور مره فاليوم و بسكويت فارليز(الدواير) حبه وحده

    وعقب يوم يكمل 6شهور عطيه 3وجبات فاليوم
    بنتي هذا جدول اكلها وهي عمرها الحين 6ششهور ونص
    الصبح حليب
    الضحى سريلاك بالقمح
    الغذا خضرا مهروسه(جزر او بطاط او كوسا)
    العصر فوكه مهروسه( تفاح كمثرى)
    المغرب حليب
    بالليل حليب

  3. أمال
    الرد

    لا يا حياتي لا تسوين مثلي كنت اخاف من اي شي الا بيغص والا هالاكل بيسويله حساسيه وااايد كنت اوسوس والحين عمره سنه وشهرين ما ياكل مثل الناس ويجززز من اي شي ..
    ابتدي عطيه خضرة مسلوقه واضربيهم بالخلاط يعني يوم عطيه جزر ويوم كوسا ويوم بطاطا طبعا ً كلهن مسلوقات وبعدين اخلطي هالثلاث انواع مع بعض اذا شفتي انه اتقبل الاكل وما سواله حساسيه وسويله بعد عيش واضربيه بالخلاط مع نوع والا نوعين من الخضره اللي قلتلج عنهم .. وبعدين يوم بيكبر شوي زيدي معاه بروكلي
    وعطيه فواكه مهروسه مثل : التفاح – الكمثرى – الموز لا تعطينه برتقال لانه يحرق المعده هو بعده صغيروني
    وعطيه الاكل مال ميلوبا واايد زين وينصحوبه الدكاتره وانا كنت اعطيه الاكل اللي في غرش صغيره ماركة hipp هالماركه ممتاااازه وطبيعيه

    ودخلي على هاللينكات بتستفيدين وااايد

    http://forum.uaewomen.net/showthread.php?t=343784

    http://forum.uaewomen.net/showthread.php?t=309344

    http://forum.uaewomen.net/showthread.php?t=331815

  5. مريم
    الرد

    ولدي بنفس عمر ولددج والدكتور ه مصحتني بارز ميلوبا وفواكه مسلووقه

    يعني الصبح حليب الظحى فواكه

    والعصر ارز ميلوبا وباقي اليوم قالت لي اعطيه حليب

    والله يعينا على تربيتهم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.