السلام عليكم بنات عندي مشكلة ابى لها حل ياليت تنصحوني وافتك من هذا العله ..
هذا الريال (التافه) اخو ربيعتيه و ربيعتيه هذي من سنين ما ارمسها ..
السالفه هي انه هذا اخوها يباني وكان متردد فيه يعني ما يبى يتزوج بس حق لعبه وخرابيط وهو اصلن راعي بنات المهم من 3 سنوات وانا اسمع انه بيخطبني وغيره من الكلام ودوم يحاول يتصل فيه ولعوزني لين ما لاعت جبدي المهم تواجعت معاه وقلت له انا ما اباك ولا افكر اخذ واحد مثلك انت لا تصلي و لا تعرف المسيد و واحد تافه المهم طقعت له و من عقبها اشوف الريال متعلق فيه ومب طايع يخليني في حالي يحرق لي تليفوني من كثر ما يتصل وميت عليه يبى يتزوجني ويقول انه مستحيل يتزوج غيري واخر شي اكتشفت انه متزوج ومتصل عليه في ليلة عرسه ويصيح وحالته حاله المهم تواجعت معاه وهزئته و هو يصيح انا ما احب الريال اللي ماله عزة نفس ويصيح على شي تافه كرهته المهم عقب شهرين سمعت انه طلق حرمته من دون ما يدقها هذا طبعا كان مسج منه يخبرني شو سوا في حياته ومن هذاك اليوم لين اليوم وهو واريه ورايه تليفوني ما اقدر اغيره المهم انا عرست وخذني واحد وايد زين وطيب وانا مرتاحة معاه وايد الحمدلله الله لا يحرمني منه المهم ريلي يعرف سالفة هذا الريال التافه وريلي مب مهتم منه يقولي هذ مريض نفسي وياهل ومعقد يوم يرد عليه ريلي يصك التليفون في ويه لانه جبان وعقب كم من يوم يسالني منو هذا اللي رد عليه ويحتشر ويغار عليه اونه .. عاد المشكلة هنيه انه هذا الريال يشتغل في العمليات الخاصة او القوات الخاصة يعني يقدر يطلع اي معلومة عني كل كم من يوم اييني مسج من صوبه اشوف لسته بارقام اهليه ومعلومات عن بيتنا اليديد و حتى اسم ريلي وسيارتي الله ياخذه يوم ما ارد عليه واطقع له يتصل على تليفون امي وخواتي والله يوم اقرا مسجاته اتوتر ما اعرف شو اسوي عاد امس ارسل لي مسج برقم سيارتي الثانية بالتفصيل بنات اللي مخوفني امنه يقول انه عنده صوريه وانا عشان جيه ما ابغي مشاكل معاه وساكته عنه لانه انسان نذل وعادي يوزع صوريه بنات شورن عليه اريد افتك منه من دون ما اخرب حياتي وانا عندي كل مسجاته اللي طرشهن لي وفيهن معلومات عني حتى هددته وقلت له انت تستغل شغلك في مصلحتك والله لو اخبر عليك بتتبهدل بس الريال ما عليه عادي عنده يدخل سجن ويخسر حياته لانه ناقص ومعقد نفسيا اسمحولي طولت عليكم جزاكن الله خير
السلام عليكم بنات عندي مشكلة ابى لها حل ياليت تنصحوني وافتك من هذا العله ..
هذا الريال (التافه) اخو ربيعتيه و ربيعتيه هذي من سنين ما ارمسها ..
السالفه هي انه هذا اخوها يباني وكان متردد فيه يعني ما يبى يتزوج بس حق لعبه وخرابيط وهو اصلن راعي بنات المهم من 3 سنوات وانا اسمع انه بيخطبني وغيره من الكلام ودوم يحاول يتصل فيه ولعوزني لين ما لاعت جبدي المهم تواجعت معاه وقلت له انا ما اباك ولا افكر اخذ واحد مثلك انت لا تصلي و لا تعرف المسيد و واحد تافه المهم طقعت له و من عقبها اشوف الريال متعلق فيه ومب طايع يخليني في حالي يحرق لي تليفوني من كثر ما يتصل وميت عليه يبى يتزوجني ويقول انه مستحيل يتزوج غيري واخر شي اكتشفت انه متزوج ومتصل عليه في ليلة عرسه ويصيح وحالته حاله المهم تواجعت معاه وهزئته و هو يصيح انا ما احب الريال اللي ماله عزة نفس ويصيح على شي تافه كرهته المهم عقب شهرين سمعت انه طلق حرمته من دون ما يدقها هذا طبعا كان مسج منه يخبرني شو سوا في حياته ومن هذاك اليوم لين اليوم وهو واريه ورايه تليفوني ما اقدر اغيره المهم انا عرست وخذني واحد وايد زين وطيب وانا مرتاحة معاه وايد الحمدلله الله لا يحرمني منه المهم ريلي يعرف سالفة هذا الريال التافه وريلي مب مهتم منه يقولي هذ مريض نفسي وياهل ومعقد يوم يرد عليه ريلي يصك التليفون في ويه لانه جبان وعقب كم من يوم يسالني منو هذا اللي رد عليه ويحتشر ويغار عليه اونه .. عاد المشكلة هنيه انه هذا الريال يشتغل في العمليات الخاصة او القوات الخاصة يعني يقدر يطلع اي معلومة عني كل كم من يوم اييني مسج من صوبه اشوف لسته بارقام اهليه ومعلومات عن بيتنا اليديد و حتى اسم ريلي وسيارتي الله ياخذه يوم ما ارد عليه واطقع له يتصل على تليفون امي وخواتي والله يوم اقرا مسجاته اتوتر ما اعرف شو اسوي عاد امس ارسل لي مسج برقم سيارتي الثانية بالتفصيل بنات اللي مخوفني امنه يقول انه عنده صوريه وانا عشان جيه ما ابغي مشاكل معاه وساكته عنه لانه انسان نذل وعادي يوزع صوريه بنات شورن عليه اريد افتك منه من دون ما اخرب حياتي وانا عندي كل مسجاته اللي طرشهن لي وفيهن معلومات عني حتى هددته وقلت له انت تستغل شغلك في مصلحتك والله لو اخبر عليك بتتبهدل بس الريال ما عليه عادي عنده يدخل سجن ويخسر حياته لانه ناقص ومعقد نفسيا اسمحولي طولت عليكم جزاكن الله خير