امس اتصلوا فيني من بنك وطني غير اسلامي لوظيفة خدمة عملاء وقالوا لي عندج مقابله أنا من سمعت الخبر اختلطت فيني وايد مشاعر بين الخوف والتردد خبرت امي وامي ما كانت راضيه بس قالت لي انتي حره امي كان عندها اعتراض لانه البنك بالشارقه وانا بدبي يعنى تقول مشوار وزحمه .
وبالليل صليت الاستخاره وقمت الصبح تجهزت بس كنت مثل ما قلت لكم من سمعت الخبر وانا متردده وخايفه وقاعده اقرأ فتاوي عن الدوامات بالبنوك الربويه ومنهم من يحلل بشروط ومنهم من يحرم ومنهم من يقول انه مكروه بس جائز ……
بس انا قلت بروح اشوف شو الوضع اذا عجبني المكان والشغله بشتغل لاني مليت من الفراغ والبيت والبطاله وسنوات العمر الي تمضى .
المهم اصبح طلعت مع اخوي ووصلت لين مكان قريب من البنك وحاولت اتصل بالموظف علشان يدليني من وين اتجه للبنك بس ما رد علي ابداا واخوي قالي ليش ما اخذتي المعلومات بدقه بس قلتله انا ما اعرف الشوارع بالشارقه واخذت منه العنوان بالضبط وقالي اول ما توصلين لهذا المكان اتصلي فيني .
وبعد ما سالنا عن المكان واخيرا واخيرااا وصلنا بس كنت متاخره نص ساعه عالمقابله شفت السكيورتي ومشيت والباب كان مسكر فقلت لسكيرتي الباب مسكر قالي انتي وين رايحه قلته عندي مقابله فعصب علي وقالي انتي ليش ما سالتيني من البدايه على طول جذي تدخلين قلت الحين خلصني وين اروح قالي من هنيه
رحت فوق والتوتر والخوف والتردد يزاااااايد حتى كنت متردده افتح الباب فشفت مجموعه بنات وريال فدخلت انتظر وياهم بعدين دخل واحد وقعد عدالي بالكرسي وانا وايد تضايقت اكثر واكثر انه قعد وما احترمني الكرسي كان يصلح لثلاثه انا وريال كنا قاعدين وكل واحد بطرف واهو يئ فجأه وقعد بالوسط يعنى الفاصل بينى وبينه يدوب الشنطه فأنا عالطول فتحت الباب وطلعت اخوي استغرب شافني راكبه السياره قالي هاشو سويتي قلته في زحمه قالي زين ليش ما انتظرتي فجأه صحت ودموعي اربع اربع وقلتله انا متضايقه ومش مرتاحه البنك ربوي والريال قعد عندي والطريق بعيد وزحمه وتميت اصيح وهو مذهول شو فيني فقالي لا تبررين موقفج بس بعدين والله من طلعت من البنك وصحت ارتحت وتأسفت من اخوي انه عذبته بالمشوار عالفاضي ….. وكنت ادعي بداخلي اني انا تركت الشغل هذا ابتغاء لوجه الله
بس في صوت داخلي يقولي اصلا لو كنتي تبين رضى الله ليش سرتي من البدايه .
ما ادري هل انا ضيعت على عمري فرصه وظيفيه ولا هي الاستخاره والظروف الي حكمت
امس اتصلوا فيني من بنك وطني غير اسلامي لوظيفة خدمة عملاء وقالوا لي عندج مقابله أنا من سمعت الخبر اختلطت فيني وايد مشاعر بين الخوف والتردد خبرت امي وامي ما كانت راضيه بس قالت لي انتي حره امي كان عندها اعتراض لانه البنك بالشارقه وانا بدبي يعنى تقول مشوار وزحمه .
وبالليل صليت الاستخاره وقمت الصبح تجهزت بس كنت مثل ما قلت لكم من سمعت الخبر وانا متردده وخايفه وقاعده اقرأ فتاوي عن الدوامات بالبنوك الربويه ومنهم من يحلل بشروط ومنهم من يحرم ومنهم من يقول انه مكروه بس جائز ……
بس انا قلت بروح اشوف شو الوضع اذا عجبني المكان والشغله بشتغل لاني مليت من الفراغ والبيت والبطاله وسنوات العمر الي تمضى .
المهم اصبح طلعت مع اخوي ووصلت لين مكان قريب من البنك وحاولت اتصل بالموظف علشان يدليني من وين اتجه للبنك بس ما رد علي ابداا واخوي قالي ليش ما اخذتي المعلومات بدقه بس قلتله انا ما اعرف الشوارع بالشارقه واخذت منه العنوان بالضبط وقالي اول ما توصلين لهذا المكان اتصلي فيني .
وبعد ما سالنا عن المكان واخيرا واخيرااا وصلنا بس كنت متاخره نص ساعه عالمقابله شفت السكيورتي ومشيت والباب كان مسكر فقلت لسكيرتي الباب مسكر قالي انتي وين رايحه قلته عندي مقابله فعصب علي وقالي انتي ليش ما سالتيني من البدايه على طول جذي تدخلين قلت الحين خلصني وين اروح قالي من هنيه
رحت فوق والتوتر والخوف والتردد يزاااااايد حتى كنت متردده افتح الباب فشفت مجموعه بنات وريال فدخلت انتظر وياهم بعدين دخل واحد وقعد عدالي بالكرسي وانا وايد تضايقت اكثر واكثر انه قعد وما احترمني الكرسي كان يصلح لثلاثه انا وريال كنا قاعدين وكل واحد بطرف واهو يئ فجأه وقعد بالوسط يعنى الفاصل بينى وبينه يدوب الشنطه فأنا عالطول فتحت الباب وطلعت اخوي استغرب شافني راكبه السياره قالي هاشو سويتي قلته في زحمه قالي زين ليش ما انتظرتي فجأه صحت ودموعي اربع اربع وقلتله انا متضايقه ومش مرتاحه البنك ربوي والريال قعد عندي والطريق بعيد وزحمه وتميت اصيح وهو مذهول شو فيني فقالي لا تبررين موقفج بس بعدين والله من طلعت من البنك وصحت ارتحت وتأسفت من اخوي انه عذبته بالمشوار عالفاضي ….. وكنت ادعي بداخلي اني انا تركت الشغل هذا ابتغاء لوجه الله
بس في صوت داخلي يقولي اصلا لو كنتي تبين رضى الله ليش سرتي من البدايه .
ما ادري هل انا ضيعت على عمري فرصه وظيفيه ولا هي الاستخاره والظروف الي حكمت
