هلا بالامهات النشيطات

ربي يوفقج أختي

وحاولي اتسوين لج جدول مرتب

وتشركين عيالج في دورات ونشاطات جماعية خارج البيت

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

السلام عليكم خواتي،،،

اختي الله يقويج ويشد من عزيمتج ويرشدج للصواب وللخير

اولاً العيال نعمة قولي الحمدلله اللي عطاني اياهم الله يبارك فيهم
ودايماً ادعيلهم بالصلاح والهداية وان الله يحفظهم

انا عن نفسي خذت نصيحة من وحدة من الخوات لقيته في احد الردود وانها بدل ما تسب عيالها وتصرخ عليهم تدعيلهم وفعلا ياب نتيجة ولله الحمد

واخاف انج متضايقة منهم لانج بتداومين؟؟!!!!!

ترى عيالج اهم من الدوام

وانتي بعد انسانة لا تضغطين على عمرج في النهار وقت يروحون المدارس والروضة ودي الاصغر حضانة تكون نظيفة وسمعتها طيبة ومطمنة من اللي يشتغلون فيها

وخلي النهار لج انتي وبس
تروحين النادي تلعبين رياضة تروحين الصالون او تسوقين او حتى تقعدين في البيت وترتاحين بالنوم والذكر على راحتج وصلاة الضحى

واذا ماعندج خدامة من الصبح بعد مايروحون المدارس وزوجج يروح الشغل سوي الغدا وفي نفس الوقت اطلبي اللي يشتغلون بالساعة يوم تنظف لج البيت ويوم ساعة تكوي او حسب حاجة البيت ومن بعد ماتخلصين الغدا وهي تخلص تنظيف خذي راحتج في القيلولة والاهتمام بنفسج سواء في البيت او برع البيت
وقبل مايردون اليهال وريلج من الدوام سخني الغدا وتغدوا يميع
""والدوام اذا ماكنتي مضطرة لظروفج تشتغلين اتركيه عنج لا تستهلكين عمرج"" نفسج وبيتج اولى،، اذا الحين مو ملحقة كيف اذا داومتي؟؟!!!!! والا تبين تعقين عيالج على الخدم وتسوين مثل اكثر الموظفات ويقولن موفقات بين البيت والشغل وهن مايعرفن شي عن امور عيالهن!!!!

الله يهدي ويصلح كل الامهات