~هـــــــــــــنيّا لـــــــــــــــــــــــك~

قصيدة للشاعر الإماراتي (كاتم الآه) … ان شاء الله تنال على اعجابكم
يصف فيها شعوووور امرأة في حال تحسد عليه:

أحيانا تفرض عليك الأيام ظروف معينة يضطر الإنسان ليكتب في اطارها, يحاول جاهدا لأن يتقمص دورا ربما يكون بعيدا عن واقعه

::::يقول::::

هنيّا لك ألف مبروك من قلبي أنا ادعيلك
فرحك اليوم يا عمري مع اللي قلبك اختاره!

بطاقة عرسك الميمون أنا للي راح اهديلك!
كلامن تكتبه فيها صداها يدوّي في الحاره

أنا بستقبل ضيوفك! وفي حفلك بغنيلك!
على عزفن من ضلوعي وقلبي يعزف اوتاره!

وبرقص لك على الكوشه إلي ما ينقضي ليلك!
تروح انته معا خلك وقلبي يكتوي بناره

أنا ما اطمع أكون الا وسادة نوم في ليلك
تريّح قلبك التعبان .. يفضي لي من اخباره

بغلف لك حزن قلبي ودمعاتي بمنديلك
عساها تحتضن في يوم دمعة منك محتاره

وتحكي دمعتي حزني وتجي دمعتك تحكي لك
خساره راحت أيامك .. ومات الود ياخساره

واذا ما اشتقت لي إكتم .. ولا كنّي أنا أعني لك
تّنكر من هوى خلك!! إذا ما هب اعصاره

مع اني واثقة بانه أكيد يهدِ لك حيلك
ويعصف بك ويكشف له خبايا الحب واسراره

أنا من قلبي اتمنى كثر ما اعطيت يعطي لك
ولا تحتاج لي لحظه تكون الروح منهاره

لاني كثر ما احبك انا من قلبي ادعيلك
هنيا لك ألف مبروك مع لي قلبك اختاره

عسى الرحمن يحفظكم .. هنيا له بتدليلك
هنيا لي عرفت اليوم شان الحب ومقداره

وسلامتكم