نبا مساعده من طالبات او خريجات الجامعات وتقنيات

انا توني ثاني سنه ان شاء الله ^^

ان شاء الله الخريجات يفيدوج

شوفي حبيبتي الجامعه غير عن المدرسه
في المدرسه المسات و الاساتذه هم الي يقولون للطالب شو يسوي و شو ما يسوي و الطالب يكون معتمد عالاستاذ
بس في الجامعه لازم تعتمدين على نفسج
يعني الاستاذ مابيقولج كتبي و جي.. انتي من نفسج لازم تكتبين كل شي ينشرح في الكلاس
طبعن اذا كتبتي ولا ماكتبتي الاستاذ مابيسألج بس هالشي بيفيدج في الامتحان
يعني في الامتحانات ماشي اوراق مراجعه و من هالامور.. كل شي بييج من النوتس الي كتبتيهم طول الكورس

ثاني شي عن الحظور للكلاس
طبعن حظرتي ولا ماحظرتي هالشي راجعلج .. الاستاذ مابيقول دشي الكلاس نفس المدرسه
انتي لازم تحظرين قبل الكلاس و تكونين مستعده و طبعن اذا تأخرتي عالكلاس يحطونج ابسنت
و كل كلاس الابسنت ماله 10% اذا خلصتي ال10 يعطونج انذار و اذا تعديتي الانذار ترسبين في الماده
فـ وايد خلي بالج من الحظور ولا تتاخرين

و بعدين الكلام في الكلاسات
مب نفس المدرسه تسولفون في الكلاسات و جي
طبعن الاستاذ مابيقولج شي بس بينقص علامات او في بعض الاساتذه يحطون ابسنت
فـ انتي خلج مركزه في الشرح و لاحقه عالسوالف

و اذا عطوكم بروجكتات او اسايمنت لازم تسلمينهم في الموعد المحدد لج
ماتقولين والله نسيت او باجر بييبه و جي
علطول ينقصون علامات او يمكن مايقبلون الاسايمنت كله
فأهم شي انج تسلمين كل شغلج في الوقت المحدد

و الافظل اذا عندج سؤال للاستاذ او اي شي ترمسينه في اخر الكلاس او تقدرين تسيرين المكتب عنده
و اذا مافهمتي شي حاولي تسألين في البدايه ما تتريين لاخر الكورس و عالفاينل تقوليله انا مافهمت هالشي

والله يوفقج حبيبتي
و اذا عندج اي استفسار ثاني انا موجوده
موفقه^^

المشاركة الأصلية كتبت بواسطة ro0ro0

ثاني شي عن الحظور للكلاس
طبعن حظرتي ولا ماحظرتي هالشي راجعلج .. الاستاذ مابيقول دشي الكلاس نفس المدرسه
انتي لازم تحظرين قبل الكلاس و تكونين مستعده و طبعن اذا تأخرتي عالكلاس يحطونج ابسنت
و كل كلاس الابسنت ماله 10% اذا خلصتي ال10 يعطونج انذار و اذا تعديتي الانذار ترسبين في الماده
فـ وايد خلي بالج من الحظور ولا تتاخرين

السالفة فيها طرد بعد ><

الحمدلله كفيتي ووفيتي ^^