ناويه السفر للتشيك للعلاج الطبيعي ممكن معلومات؟

عزيزتي للأسف ماعندي فكرة عن المصحات في التشيك…بس التشيك نفسها تهبل للسياحة
أقرب الدول هي سولوفاكيا وفيها مصحات مشهورة ….
احنا سرنا وحدة من المصحات هناك مش للعلاج ..بس للإستجمام

المصحة في منطقة بيشتاني Piestany

عندهم برامج علاجية للجسم والبشرة وعندهم بعد العلاج الطبيعي …وعلاج مختلف الأمراض….
أول شي تدخلين على دكتور يقيم حالتج وبعدين يعطيج نظام علاجي يومي
بالطين والمياه المعدنية الحارة
والأكل هناك كله صحي ….مليييييييييييييييت منه….
يعني اللي تبي تنحف بعد مافي احسن من هالمكان….كله سلطات وأكل مشوي

واحنا سرنا هالمصحة مرتين…وهي ممتازة واسعارها معقولة…
بس اتوقع ان مصحات التشيك بتكون احسن من ناحية انج تقدرين تشوفين البلد وانتي تتعالجين…

اما المصحة اللي في سلوفاكيا فكانت وسط طبيعة تجنن بس مافي ولا شي ثاني تسوينه…
وكان في سوق صغير في وسط المدينة ….المدينة صغيرة جدا…وتمشين له مساااااااافة ليما توصلين
بس كل المحلات تبيع ماركات معروفة …طبعا لأن اخوانا العرب هم الغالبية العظمى في المصحة…

وعلى فكرة هي وااااااااااااااايد معروفة وكل الشخصيات المهمة من دول الخليج بتشوفينها هناك…من شيوخ وإعلاميين

بالنسبة للأسم معروف انتي بس سألي عن مصحة بشتاني…
هي مجموعة مصحات جنب بعض …وطبعا السكن في نفس المصحة…
أحنا أخذنا سويت جناح والغرف كبيرة وايد…..

بالنسبة للحجز في شركة يديروها سوريين والله ما اذكر الإسم..
عموما مابتتعطلين هناك السوريين هم اللي بيرتبوا لج التنقل من وإلى المطار وللترجمة…

والخوات اللي عندهم فكرة عن مصحات التشيك إن شاء الله ماراح يقصرون…..

وهذي صورة للمنطقة جنب مصحة بشتاني بالضبط ….الممشى اللي على اليمين يوديج للمصحة وجنبه الجسر اللي يوصلج لوسط المدينة…

المنطقة وااااااااااايد حلوة ومريحة للإسترخاء والإستجمام….

دخلي على المواضيع المتميزة فوق ….شوفي الموضوع المتميز لهالأسبوع فيه معلومات إن شاء الله تكون مفيدة

موفقة الغالية وألف سلامة عليج

امي راحت تتعالج هناك و قالت كان حلووو بس بصراحة ما فادها العلاج الطبيعي

أختي ريشه،، هذا الموقع ادور فيه اسم المصح اللي خبرتيني عنه بس ما حصلت نفس الاسم؟
http://www.czechspas.com/sanitarium.html