موقف مر علي اليوم وحاز في خاطري

شو اخباركن خواتي
اليوم حبيت افظفظ وياكن شوي عن موقف استوى وياي اليوم واخذ رايكن اذا في مجال للمساعده السالفة وما فيها ان من كمن يوم في ريال ايي البيت يسال عن ريلي و ريلي في الدوام يعني تقريبا من ثلاث ايام وهو كل يوم ايي يسال عنه اليوم يا بعد وسال فقلت خل اتصل حق ريلي واقوله ان الريال اللي يسال عنه موجود عند الباب قالي عطيه رقمي و قوليله يتصل لانه هو يقول انه ربيعه من زمان المهم طرشتله الرقم ويا الشغاله وعقب شوي دق علي ريلي وقالي طرشي حق الريال اللي واقف برع مبلغ معين انا قلتله ان شاء الله و سكرت و طرشت المبلغ ويا الشغالة في ظرف عقب رد اتصلي زوجي وخبرني السالفة قالي تعرفي هالريال منو و شو يبغي قلتله لا قالي هذا ربيعي ايام الدراسه وهو ريال فقير جدا ومن زمان ما شفته و آخر مره شفته في رمضان وهو بدون يعني ما عنده جواز قلتله انزين شو فيها قالي هالريال ياي يطلب مني عشرين درهم اتخيلوا ثلاث ايام يدور ريلي عشان يبغي عشرين درهم تعرفون ليش لانه مايشتغل وماعنده فلوس ويبغي ياخذ تكسي عشان يمشي حرمته شوي هو معرس من ثلاث شهور و الله العظيم غمظني كيف في ناس لهاي الدرجه محتاجين تعرفون عقب ما استلم الظرف شو سوى اتصل حق ريلي وهو يصيح ويشكره ويقوله انه مستحي منه وايد انا من دريت بالسالفه وانا افكر هذا كيف قادر يصرف على نفسه و على زوجته و الله مساكين كنت افكر ادورله شغل يترزق منه بس هو بدون يعني ماعنده اوراق و ثبوتيات الله يساعدهم ان شاء الله ريلي سأله من وين ادبر نفسك قاله ساعت اقص حطب و ابيعه و ساعات اذا في حد يبا يحمل رمل او طابوق او اي شي اشتغل له ويعطيني المقسوم
ما ادري شو اقول بس كل ما اذكر السالفة اتغبن و اصيح احسهم وايد يعانون
الله يكون في عونهم
و السموحة طولت عليكم